Кыргызстандын он үчүнчү прокурору

© Пресс-служба президента КР / Султан ДосалиевСостоялась церемония открытия нового здания Генеральной прокуратуры
Состоялась церемония открытия нового здания Генеральной прокуратуры - Sputnik Кыргызстан
Жазылуу
Бул орунду бир күн Мурат Суталинов ээлеген, ал эми Асанбек Шаршеналиев өлкөнүн башкы көзөмөл органын жети жыл —1993-жылдан 2000-жылга чейин башкарган.

БИШКЕК, 23-янв — Sputnik. Эгемендүү Кыргызстандын тарыхында Башкы прокуратураны жогорку класстагы он үч юрист башкарды. Өлкөнүн алгачкы жана он үчүнчү прокурору аялдар — Чолпон Баекова жана Аида Салянова болду.

1993-жылдын декабрында Жогорку Кеңеш "Прокуратура жөнүндө" мыйзамды кабыл алган. Дал ошол мезгилден тартып эгемендүү Кыргызстандын прокуратура органдарынын мамлекеттик-укуктук статусу калыптана баштап жана алардын көзөмөл жүргүзүү ыйгарымдары аныкталган.

Башкы прокуратуранын алгачкы жетекчиси Чолпон Турсуновна Баекова болуп (1991-1993), ал жаңы органдын түптөлүшүнө өзүнүн баа жеткис салымын кошкон.

Жети жыл бою прокуратураны Асанбек Шаршеналиевич Шаршеналиев жетектеген (1993-2000). Башкы көзөмөл органынын негизги ишмердик принциптерин бекиткен "Прокуратура жөнүндө" мыйзам дал ушул мезгилде кабыл алынган.

Эгемендүү Кыргызстандын прокуратурасынын кийинки башчылары Чубак Садыкович Абышкаев (2000-2002) жана Мыктыбек Юсупович Абдылдаев (2002-2005) болгон.

2005-жыл Башкы прокуратура үчүн жетекчилик тез-тез алмашкан жыл болду. Мурат Суталинов 23-мартта дайындарып, эртеси күнү бул посттон кайра кеткен. Азимбек Бекназаров прокуратураны ынкылаптан кийинки тынчсыз мезгилде башкарып, бул кызматта 2005-жылдын апрелинен сентябрына чейин турду. Башкы прокурордун милдетин аткаруучу катары Бусурманкул Табалдиев ошол эле жылы сентябрдан октябрга чейин кызмат кылды. 

Камбаралы Ташполотович Конгантиев көзөмөл органынын башчылыгына 2005-жылы келди. Ал эми 2007-жылы анын ордун Элмурза Ракиевич Сатыбалдиев ээледи.

2009-жылдан тартып 2010-жылдын апрелиндеги ынкылапка чейин бул орунда Нурлан Жанышевич Турсункулов турду.

2010-жылдын 7-апрелинен 13-сентябрына чейинки мезгилде Башкы прокуратуранын жетекчилик милдетин Байтемир Карыпбекович Ибраев аткарган.

Кубатбек Калбекович Байболов бул органды бир жыл — 2010-жылдан 2011-жылга чейин башкарды.

2011-жылдын 31-мартында Кыргыз Республикасынын Башкы прокурорлугуна Аида Жеңишбековна Салянова дайындалат. Он үчүнчү прокурор биринчидей эле аялзатынын өкүлү болчу. 

Бейшемби күнү, 22-январда өлкөнүн президенти Индира Жолдубаеванын талапкерлигин башкы прокурордун кызматына көрсөттү.

Жаңылыктар түрмөгү
0