Атамбаев, Иманалиев... Аламүдүн шайлоо округундагы талапкерлердин тизмеси
00:57 03.11.2021 (Жаңыртылды: 14:27 14.12.2021)
© Sputnik
Жазылуу
Бир мандаттуу округ боюнча ат салышкандардын ичинен эң көп добуш алгандар жеңип чыгат. Аламүдүн округунда жалпы 111 миң 115 шайлоочу бар.
БИШКЕК, 3-ноя. — Sputnik. Борбордук шайлоо комиссиясы Чүй облусундагы №25 Аламүдүн шайлоо округунун талапкерлеринин тизмесин жарыялады.
Аталган округдан он талапкер ат салышат. Арасында ЖК депутаты Каныбек Иманалиев, Алмазбек Атамбаевдин уулу Сейитбек да бар.
- Абдувалиев Зарылбек Рубенович, 23.09.1983, Москва мамлекеттик эл аралык мамилелер институтун "коммерция" адистиги боюнча бүтүргөн. "Крестон Бишкек" ЖЧКсынын башкаруучу өнөктөшү болуп иштейт.
- Бегалиев Болотбек Касымбекович, 30.06.1961, Москва тамак-аш өнөр жайы технологиялык институтун "вино өндүрүү технологиясы" адистиги боюнча аяктаган. Учурда "Берекет" жабык акционердик коомунун директорлор кеңешинин төрагасы.
- Дунканаев Айбек Медетбекович, 29.12.1989, Тышкы иштер министрлигинин алдындагы дипломатиялык академиянын "эл аралык мамилелер", Президенттин алдындагы мамлекеттик башкаруу академиясын "мамлекеттик жана муниципалдык башкаруу" адистиги боюнча бүтүргөн. "Газпром Кыргызстан" ЖЧКсынын протокол кызматынын жетектөөчү адиси.
- Атамбаев Сейитбек Алмазбекович, 02.07.1976, Кыргыз мамлекеттик курулуш, транспорт жана архитектура университетинде "курулуш каражаттарын жана конструкцияларды өндүрүү", Президенттин алдындагы мамлекеттик башкаруу академиясында "менеджмент" адистиги боюнча окуган. "Автомаш-Энерго" ЖЧКсынын генералдык директору.
- Момункулов Эмил Базаркулович, 24.06.1975, Жусуп Баласагын атындагы Кыргыз улуттук университетин "юриспруденция" адистиги боюнча бүтүргөн. Учурда эч жерде иштебейт.
- Аспек уулу Азамат, 24.06.1992, Кыргыз мамлекеттик юридикалык академиясында "юриспруденция" адистиги боюнча окуган. Учурда эч жерде иштебейт.
- Момонкулов Талгат Мелисович, 02.01.1973, Ишенаалы Арабаев атындагы Кыргыз мамлекеттик университетин "кыргыз тили жана адабияты" адистиги боюнча аяктаган. "Альтранс Логистикс" ЖЧКсында айдоочу.
- Чынтемиров Бердибек Айбекович, 30.10.1962, Жусуп Баласагын атындагы Кыргыз улуттук университетин "бухгалтердик эсеп жана анализ" адистиги бүтүргөн. Азыр эч жерде иштебейт.
- Чакибаев Эмиль Акжолтоевич, 21.01.1982, Жусуп Баласагын атындагы Кыргыз улуттук университетинде "экономикадагы операцияларды изилдөө жана математикалык методдор" адистиги боюнча окуган. "Максат ЖОБ ЛТД" ЖЧКсынын генералдык директорунун кеңешчиси.
- Иманалиев Каныбек Капашович, 11.05.1969, Кыргыз мамлекеттик университетинин журналистика факультетин, РФтин президентинин алдындагы Россия мамлекеттик кызмат академиясын "саясат таануу" адистиги боюнча бүтүргөн. ЖК депутаты.
