Жайыл шайлоо округунан көрсөтүлгөн талапкерлердин тизмеси
02:55 02.11.2021 (Жаңыртылды: 14:27 14.12.2021)
© Sputnik
Жазылуу
Жайыл шайлоо округуна эки шаар жана 20га чукул айыл аймак кирет. Шайлоочулардын жалпы саны — 99 663 адам.
БИШКЕК, 2-ноя. — Sputnik. Борбордук шайлоо комиссиясы Чүй облусунун №22 Жайыл шайлоо округунан көрсөтүлгөн талапкерлердин тизмесин жарыялады.
Бир мандаттуу шайлоо системасы менен Жайыл округунан сегиз талапкер чыкты.
- Бакеев Аскарбек Колхозбекович, 18.12.1956, Бүбүсара Бейшеналиева атындагы искусство институтун "маданий-агартуучулук иштер" адистиги боюнча аяктаган. Учурда жумушсуз;
- Райымкулов Бактыбек Кемелбекович, 21.10.1977, Жусуп Баласагын атындагы Улуттук университетинин "юриспруденция" адистиги боюнча, РФ президентинин алдындагы Россиянын элдик чарбачылык жана мамлекеттик кызмат окуу жайын "мамлекеттик жана муниципалдык башкаруу" адистиги боюнча бүтүргөн. ЖК депутаты;
- Иманкулов Эркин Токтаалиевич, 29.09.1972, Кыргыз мамлекеттик дене тарбия жана спорт академиясын "дене тарбия" адистиги боюнча, Бишкек гуманитардык университетин "экономика жана ишкананы башкаруу" адистиги боюнча аяктаган. Кайыңды шаардык кеңешинин төрагасы;
- Мамаев Замирбек Дакимович, 10.07.1989, КР президентинин алдындагы башкаруу академиясын менеджмент багыты боюнча аяктаган, айылдык кеңештин депутаты;
- Азыгалиев Нурланбек Асанбекович, 30.08.1970, Кыргыз улуттук университетин "юриспруденция" адистиги боюнча аяктаган, "Анилия" ЖЧКсынын директору;
- Карабаев Манасбек Токтогулович, 06.09.1968, Скрябин атындагы айыл чарба институтун "айлана-чөйрөнү коргоо" адистиги боюнча аяктаган, Экология жана климат боюнча мамлекеттик агенттиктин Чүй облусу боюнча башкармалыгынын башкы инспектору;
- Аманкулов Эмир Эркинбекович, 13.07.1983, Кыргыз мамлекеттик тоо-кен университетин ишканадагы экономика жана башкаруу адистиги боюнча аяктаган, жумушсуз;
- Рыскулбек уулу Нурмат, 12.10.1990, Бишкек финансы-экономикалык техникумунда "финансы" адистиги боюнча, Кыргыз мамлекеттик техникалык университетинен "экономика" адистиги боюнча, Чүй университетинен "юриспруденция" адистиги боюнча билим алган.
Округга Кара-Балта шаары, Ак-Башат, Жайыл, Кара-Суу, Красный Восток, Кызыл-Дыйкан, Полтавка, Сары-Булак, Сары-Коо, Степное, Суусамыр, Талды-Булак, Сосновка айыл аймактары толугу менен, Панфилов районунун Кайыңды шаары, Вознесеновка, Курама, Күрпүлдөк, Орто, Фрунзе, Чалдыбар айыл аймактары толугу менен кирет. Шайлоочулардын саны — 99 663 адам.
