Аксы шайлоо округунан жарышка аттанган талапкерлердин тизмеси

© SputnikАксы шайлоо округу
Аксы шайлоо округу - Sputnik Кыргызстан, 1920, 02.11.2021
Жазылуу
Бул округдагы шайлоочулардын жалпы саны 80 516ны түзөт, ага Аксы району толугу менен кирет. Башка аймактар кошулган эмес.
БИШКЕК, 2-ноя. — Sputnik. Борбордук шайлоо комиссиясы Жалал-Абад облусунун №17 Аксы шайлоо округунан катталган талапкерлердин тизмесин жарыялады. Бул аймакта Жогорку Кеңештин депутатынын мандатын алуу үчүн алты адам ат салышууда.
Талапкерлердин материалда көрсөтүлгөн ирети бюллетендеги катар номери менен дал келет.
  1. Шайдиев Алмазбек Усупбаевич, 25.02.1986, Ош мамлекеттик юридика институтунун "юриспруденция" адистигин аяктаган. Иштеген жумушу жазылган эмес;
  2. Шакиев Нурланбек Тургунбекович, 13.05.1977, Кыргыз агрардык академиясында "менеджмент" адистигин окуган. "2 Канал" ЖЧКнын башкы директору;
  3. Токтобаев Сүйүнбай Жумаканович, 01.01.1965, Фрунзе техникалык институтунда "тамак-аш өндүрүү аппараты жана машинасы" адистигин бүткөн. Жумушсуз;
  4. Момунов Акат Акынович, 01.05.1969, Ош мамлекеттик университетинин "юриспруденция" адистигин аяктаган. Президенттин алдындагы башкаруу академиясында "менеджмент" багыты боюнча магистратурада окуган. Жумушсуз;
  5. Эргешов Алмазбек Манасбекович, 13.12.1968, Кыргыз улуттук университетинде "экономист" адистигин аяктаган. Убактылуу иштебейт, Жогорку Кеңештин экс-депутаты;
  6. Чомонов Манас Алишерович, 28.01.1976, Жалал-Абад мамлекеттик университетинде "бухгалтердик учёт жана аудит" адистигин бүткөн.
№17 шайлоо округундагы шайлоочулардын жалпы саны 80 516ны түзөт, ага Аксы району толугу менен кирет.
Эң көп добуш алган талапкер Жогорку Кеңештин депутаты мандатын алат. Эгер добуштар тең чыгып калса, БШКга биринчи болуп документ тапшырганы жеңүүчү аталат.
Жаңылыктар түрмөгү
0