13:15 19 Аяк оона 2019
Түз эфир
  • USD69.8460
  • EUR77.1205
  • RUB1.0841
КСДП фракциясынын жыйыны. Архив

КСДП: Атамбаевди "экс" макамынан ажыраткысы келген комиссия мыйзамсыз түзүлгөн

© Фото / секретариат фракции СДПК
Саясат
Кыскача шилтеме алуу
Алмазбек Атамбаевди "экс" макамынан ажыратуу боюнча аракеттер (46)
26401

Маалымат жыйын учурунда комиссия түзүү үчүн тийиштүү токтом чыкпаганы айтылды.

БИШКЕК, 18-июн. — Sputnik. Жогорку Кеңештин Алмазбек Атамбаевди экс-президент макамынан ажыратуу үчүн ага каршы күнөө коюу маселеси боюнча комиссия мыйзамсыз иштеп жатат. Бул тууралуу КСДПнын маалымат жыйынында партия мүчөсү Нурбек Касымбеков билдирди.

"Жогорку Кеңештин регламенти тууралуу документте парламент мурдагы президентти "экс" макамынан ажырата алат деген норма жок. Комиссия түзүү үчүн атайын токтом чыгышы керек. Биз "Эркин Тоо" гезитинин жаңы санын алдык. Анда эч кандай токтом жок", — деди Касымбеков.

Ал эми парламент депутаты Асел Кодуранованын айтымында, комиссия алгач көрсөткөн документте Атамбаевдин дарегине беш гана айып коюлуп жаткан.

"Бизге, депутаттарга, ал документти кагаз түрүндө көрсөтүшкөн жок, окуп гана беришти. Ал документке кимдер кол койгонун дагы ушул убакка чейин билбейбиз", — деди Кодуранова.

Белгилей кетсек, Атамбаевди экс-президент макамынан ажыратуу үчүн ага каршы күнөө коюу маселеси боюнча 13-июнда комиссия түзүлгөн. Алар эки күндөн бери күн сайын жыйынга чогулууда.  Анын мүчөлөрү 17-июнь күнү Атамбаевге коюлуп жаткан айыптарды жарыялаган.

Тема:
Алмазбек Атамбаевди "экс" макамынан ажыратуу боюнча аракеттер (46)

Тема боюнча

Депутат: Атамбаев маселесин караган комиссияда арты таза эмес адамдар бар
УКМК: Тарых музейин оңдоодогу коррупциялык иштерде Атамбаевдин аты аталууда
Белгилер:
макам, комиссия, КСДП фракциясы, Алмазбек Атамбаев

ЭҢ МААНИЛҮҮ