22:46 23 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Министр транспорта и дорог КР Жамшитбек Калилов

Пара чыры. Транспорт министри Калилов кызматтан кетүү боюнча арызын берди

© Пресс-служба правительства / Сабыр Аильчиев
Саясат
Кыскача шилтеме алуу
Азимкан Жусубалиевдин кармалышы (23)
869 0 0

Жээнбеков кеңеш өтүп жаткан учурда министр Калиловду ордунан тургузуп, эгерде орун басары пара үчүн кармалса, кызматтан эбак эле кетип калмактыгын айткан.

БИШКЕК, 15-дек. — Sputnik. Транспорт жана жолдор министри Жамшитбек Калилов өз каалоосу менен кызматтан кеткендиги боюнча арызын жазды. Бул туурасында ал Sputnik Кыргызстан агенттигине билдирди.

Кечээ, 15-декабрда, Коопсуздук кеңешинин жыйынында президент Сооронбай Жээнбеков Коопсуздук кеңешинде транспорт жана жолдор министри Жамшитбек Калилов кызматтан кетиши керектигин айткан. 

Жээнбеков кеңеш өтүп жаткан учурда министр Калиловду ордунан тургузуп, эгерде орун басары пара үчүн кармалса, кызматтан эбак эле кетип калмактыгын айткан

Өкмөттүн маалымат кызматы Жамшитбек Калиловдун арызы премьер-министр Мухаммедкалый Абылгазиев тарабынан президент Сооронбай Жээнбековго киргизилгенин тастыктады.

"Транспорт жана жолдор министри Жамшитбек Калилов кызматынан кетүү боюнча арызын жазды. Буга байланыштуу премьер-министр президентке Калиловдун отставкасын кабыл алуу тууралуу сунуштаманы киргизди", — деп айтылат маалыматта.

Эскерте кетсек, УКМК тараткан маалымат боюнча транспорт жана жолдор министринин орун басары Азимкан Жусубалиев жол куруу боюнча өткөрүлгөн тендерде чет элдик компаниянын кызыкчылыгын коргоо үчүн 520 миң доллар пара алууга макулдашкан. Акчанын 50 миң долларын алып жатканда аны Коррупцияга каршы күрөшүү кызматы колго түшүргөн. Аткаминер андан мурдараак 120 миң долларын алган, калганы кийинчерээк колуна тиймек.

Жусубалиев узундугу 69,7 чакырым жол куруу боюнча өткөрүлгөн тендердик комиссиянын төрагасы болгон. Натыйжада үстүбүздөгү жылдын 7-сентябрында 40 миллион 751 миң доллар сунуштаган италиялык Todini Costruzioni Generali Company ишканасы тендерден утуп чыгып, келишим түзүлгөн.

Салына турган жол Нарын облусунун Жумгал району аркылуу өтө турган Түндүк — Түштүк альтернативдүү трассасынын бир бөлүгү. Башкууганды (мурдагы  Дыйкан) айылынан башталып, аягы Ак-Учук (мурунку Эпкин) айылынан бүтөт.

Тема:
Азимкан Жусубалиевдин кармалышы (23)

Тема боюнча

Жээнбеков Коопсуздук кеңешинде министр Калиловду тургузуп алып зекиди
Арак ичүү жана соодалашуу. Министрдин орун басарын колго түшүргөн видео
Орун басарымдын ишин мурда эле билгем. Калиловдун капыл-тапыл маеги видеодо
Белгилер:
пара алуу, отставка, Азимкан Жусубалиев, Жамшитбек Калилов, Сооронбай Жээнбеков

ЭҢ МААНИЛҮҮ