БИШКЕК, 14-дек. — Sputnik. Президент Сооронбай Жээнбеков Коопсуздук кеңешинде транспорт жана жолдор министри Жамшитбек Калилов кызматтан кетиши керектигин айтты.
Жээнбеков кеңеш өтүп жаткан учурда министр Калиловду ордунан тургузуп, эгерде министрдин орун басары пара үчүн кармалса, кызматтан эбак эле кетип калмактыгын айтты.
Жээнбеков кол алдындагылардын мындай кылыгы үчүн жетекчиси кызматтан кетиши керектигин айтып, Калиловдун Коопсуздук кеңешине келгендигине ачууланды. Андан соң президент премьер-министрге Калиловду убактылуу кызматтан четтетүүнү тапшырды.
Жусубалиев узундугу 69,7 чакырым жол куруу боюнча өткөрүлгөн тендердик комиссиянын төрагасы болгон. Натыйжада үстүбүздөгү жылдын 7-сентябрында 40 миллион 751 миң доллар сунуштаган италиялык Todini Costruzioni Generali Company ишканасы тендерден утуп чыгып, келишим түзүлгөн.
Салына турган жол Нарын облусунун Жумгал району аркылуу өтө турган Түндүк — Түштүк альтернативдүү трассасынын бир бөлүгү. Башкууганды (мурунку Дыйкан) айылынан башталып, аягы Ак-Учук (мурунку Эпкин) айылынан бүтөт.
