22:56 24 Баш оона 2019
Түз эфир
  • USD69.7882
  • EUR77.2311
  • RUB1.0638
Кыргызстандын Конституциялык палатасынын имараты. Архивдик сүрөт

Экс-президенттерди кол тийбестиктен кантип ажыратуу керек. КП сунуш киргизди

© Sputnik / Табылды Кадырбеков
Саясат
Кыскача шилтеме алуу
392 0 0

Конституциялык палата "Президенттин ишмердигинин кепилдиктери жөнүндө" мыйзамга өзгөртүү киргизүү зарылдыгын сунуштоодо.

БИШКЕК, 4-окт. — Sputnik. Кыргызстандын Конституциялык палатасы (КП) укук коргоочу Нурбек Токтакуновдун өтүнүчүн карап чыгып, экс-президенттин кол тийбестиги боюнча норма Баш мыйзамга каршы келет деп тапты. Бул тууралуу КПнын сайтына жарыяланды.

Маалыматта "Президенттин ишмердигинин кепилдиктери жөнүндө" мыйзамдын 12-беренеси Баш мыйзамдын 16-беренесине (3-бөлүгү) каршы келери баса белгиленген.

КП судьялары учурдагы нормага ылайык экс-президент өлкө башчы болуп турган маалында жасаган иштери үчүн жооп бербей турганын белгилешүүдө.

Укук коргоочу Токтакунов дагы президенттин ишмердигинин кепилдиктери жөнүндөгү мыйзамда экс-мамлекет башчылардын кол тийбестигин алып салуу боюнча норма каралбай калганын айтып чыккан.

"Анткен менен иштеп жаткан президентти кызматтан алып (импичмент), жоопко да тартса болот", — деп белгилеген Токтакунов.

Конституциялык палата "экс-президенттердин кол тийбестиги боюнча мыйзам Конституцияга каршы келбейт, болгону кол тийбестиктен ажыратуу процедуралары каралбай калган" деп түшүндүрмө берди.

"Экс-президенттердин кол тийбестигин алып салууга жол берген процедуралар иштелип чыгышы керек, бирок ал учурдагы президентти кызматтан алуу процессиндей эле татаал болушу керек", — деп маалыматта белгиленген.

Конституциялык палата өкмөткө "Президенттин ишмердигинин кепилдиктери жөнүндө" мыйзамга өзгөртүү киргизүү сунушун берди.

Тема боюнча

Митингдер күтүлбөйбү? Эксперттер бийликке болгон элдин ишеними туурасында
Бул өч алуу! Атамбаев Матраимов боюнча сот чечимине пикирин билдирди
Белгилер:
кол тийбестик, Баш мыйзам, президент, Кыргызстан

ЭҢ МААНИЛҮҮ