БИШКЕК, 19-дек. — Sputnik. Борбор калаадагы Биринчи Май райондук сотунда Жогорку Кеңештеги "Ата Мекен" фракциясынын депутаты Алмамбет Шыкмаматовго козголгон кылмыш иши боюнча өкүм чыгып, ага 5 млн. сом айып салынды.
Сот жараянына сот Айбек Эрнис уулу судьялык кылып, аны Кылмыш Кодексинин эки беренеси менен күнөөлүү деп тапты.
Эл өкүлүнө ушул жылдын февраль айында кылмыш иши ачылган. Башкы прокуратура депутатка Эсеп палатасында аудитор болуп иштеп турганда мыйзам бузган деп кине койгон. Эл өкүлү менен чогуу Эсеп палатасынын кызматкерлери "коррупция" жана "документтерди жасалмалоо" беренелеринин негизинде күнөөлөнгөн. Ага өлкөнүн сыртына чыкпоо боюнча эскертүү берилген.
