Текебаевди соттогон Айбек Эрнис уулу тууралуу 8 факты

© Фото / KaktusMedia / Владимир ВоронинБишкек шаарынын Биринчи Май райондук соту Айбек Эрнис уулу
Бишкек шаарынын Биринчи Май райондук соту Айбек Эрнис уулу - Sputnik Кыргызстан
Жазылуу
Бишкек шаарынын Биринчи Май райондук соту кечээ, 16-августта Жогорку Кеңештин депутаты, "Ата Мекен" фракциясынын лидери Өмүрбек Текебаев менен мурдагы элчи Дүйшөн Чотоновду сегиз жылга эркинен ажыратты. Соттук отурумга Айбек Эрнис уулу төрагалык кылган.

Sputnik Кыргызстан агенттиги тажрыйбалуу саясатчыны соттогон судья тууралуу 8 фактыны сунуштайт.

1. Кырктын кырында. Айбек Эрнис уулу 1974-жылы 3-ноябрда Ысык-Көл облусунун Каракол шаарында туулган.

Текебаев сот өкүм чыгаргандан кийин тарапташтарына кайрылды. Видео - Sputnik Кыргызстан
Текебаев сот өкүм чыгаргандан кийин тарапташтарына кайрылды. Видео
2. Судья болгонго чейинки ишмердүүлүгү. Ички иштер министрлигинин Тергөө башкы башкармалыгында улук тергөөчү кызматын аркалаган жана Каржы полициясынын тергөө бөлүмүндө иштеген.

3. Экс-премьердин ишин иликтеген. 2008-жылы Кумтөр алтын кенин иштетүүдө чет элдик компаниялар менен мыйзамсыз келишимдерди түзгөн деп айыпталган мурдагы премьер-министр Николай Танаевдин кылмыш ишин иликтеген. Бирок 2014-жылы мөөнөтү өтүп кеткендиги үчүн иликтөө ишин токтоткон.

4. Судьялыкка шыбаганы тартуулаган упай. Айбек Эрнис уулу 2015-жылы судьяларды тандоо сынагында алдыңкы сапка чыккан. Анда Бишкек шаарынын Биринчи Май райондук сотунун судьялык кызмат ордуна тандоо боюнча сынакка 14 талапкер катышып 12си өткөн. Жыйынтыгында биринчи орунду Эмилбек Каипов 53,805 упай менен камсыздап, Эрнис уулу 53.691 упай менен экинчи орунга чыккан. Ушул эле жылдын 20-июлунан тарта Биринчи Май райондук сотунда иштей баштаган.

5. Жогорку соттун төрайымынын алкышы. Үстүбүздөгү жылдын 13-февралында Бишкек шаарынын жана Чүй облусунун жергиликтүү сотторунун жыл ичиндеги ишмердүүлүгүнүн жыйынтыктары боюнча өткөн кеңешмеде, Жогорку соттун төрайымы Айнаш Токбаева 2016-жылы сот адилеттигин ишке ашырууда жогорку көрсөткүчкө жетишкендиги үчүн Айбек Эрнис уулуна алкыш жарыялаган.

Брифинг экс-генерального прокурора Аиды Саляновой - Sputnik Кыргызстан
"Темир айым" атка конгон Аида Салянова тууралуу 9 факты
6. Сот жараянындагы тамаша жана нааразылык. Мектепке бара жаткан 1-класстын окуучусун өлтүрүп койгон аялдын ишин караган. Жыйынтыгында айыпталуучуну 25 жылга күчөтүлгөн режимге кескен. Ошол сот учурунда Эрнис уулу соттолуучунун жактоочусун тамашалап, ал жерде күлкү аралашкан. Бул көрүнүш жабырлануучу тараптын нааразычылыгын жаратып, коомчулуктун талкуусуна түшкөн.

7. Соттук отурумдар. Өткөн жылы жаз айында төбө чачты тик тургузган окуя катталган. Тагыраагы, Чүйдүн Киргшелк кыштагында 59 жаштагы үй кожойкеси, 56 жаштагы анын сиңдиси жана 25 жаштагы кош бойлуу кызы киши колдуу болгон. Ошондой эле 8 жашар кызды зордуктады деп 44 жаштагы балдарга билим берүү борборунун тарбиячысы кармалган. Ушул сыяктуу оор кылмыштардын соттук отурумун Эрнис уулу алып барган.

8. Учурда ал Жогорку Кеңештин депутаты, "ата-мекенчи" Алмамбет Шыкмаматовдун да соттук ишин карап жатат.

Жаңылыктар түрмөгү
0