БИШКЕК, 31-дек — Sputnik. КР президенти Алмазбек Атамбаев Кадыр Токтогуловду Кыргызстандын Америка Кошмо Штаттарындагы толук ыйгарымдуу элчиси кылып дайындоо жөнүндө жарлыкка кол койгонун президенттин аппаратынын маалымат кызматы билдирди.
Президенттин башка буйругу менен Кыргызстандын АКШдагы элчиси Муктар Жумалиев ээлеген кызматынан кетти.
Белгилей кетсек, Кадыр Токтогуловдун талапкерлигин Жогорку Кеңештин эл аралык иштер боюнча комитети да жактырган.
