13:02 04 Бештин айы 2021
Түз эфир
  • USD84.7946
  • EUR95.7543
  • RUB1.1499
Сүрөт

Күүлөнгөн манасчы, күткөн эл. Гиннес китебине кирүүгө ташталган кадамдын сүрөттөрү

Кыскача шилтеме алуу
98120
  • Узак убакытка манас айтууга белсенип жаткан манасчы Дөөлөт Сыдыковду жандаган маданият тармагынын кызматкерлери Ала-Тоо аянтын көздөй келе жатышат
  • Кыргызстандын желегин көтөргөн Ардак кароол салттуу маршы менен бул иш-чараны коштоп келе жатат
  • Дөөлөт Сыдыков атайын даярдалган манас айтуучу жайга чыкты. Анын жанында Кыргызстандын белгилүү инсандары, маданият кызматкерлери жана уюштуруу тобунун мүчөлөрү турат.
  • Манас эпосун 12 саат айтып, Гиннестин рекорддор китебине кирүүгө аракеттенип жаткан Сыдыков адегенде Жараткандан ак жол тилеп жаткан чагы. Ага кыргыздын атактуу оор атлетчиси, олимпиада чемпиону Каныбек Осмоналиев бата берип жатат.
  •  Ала-Тоо аянты. Манас баатырдын эстелиги. Анын жанына курулган атайын жай. Сыдыков айнектен жасалган боз үйдүн ичинде манас айтып баштаган чагы.
  • Айнек боз үйдө манас айтып жаткан манасчынын эргүүсүнүн ар бир ирмеми чоң таблодогу саатта эсептелип жатат
  • Узак убакытка манас айтуу башталар алдында... Манасчы Үмөт Дөөлөтовдун (Болот уулу) эргүүгө түшкөн чагы.
  • Манасчы Дөөлөт Сыдыков жана аны коштогондор. Тарыхта алгачкы ирет болуп жаткан чоң иш-чарага киришер алдындагы көрүнүш.
  • Узак убакытка манас айтып Гиннестин рекорддор китебине катталуу кадамы кыргыздын каада-салты менен башталды. Улуттук кийимчен ай чырайлуу кыз-келиндер нан, туз менен тосуп алууда.
  • Манастын айкели коштоп, Мамлекеттик туу желбиреп, атайын даярдалган сахнада манас айтылып жаткан Ала-Тоо аянтындагы көрүнүш
  • Дөөлөт Сыдыковдун айнек боз үйдө тындырбай манас айтып жаткан учуру. Дрондун жардамы менен жакындан тартылган сүрөтү
  • Узак убакытка манас айтылып жаткан иш чаранын асмандан көрүнүшү
© Sputnik / Табылды Кадырбеков
Узак убакытка манас айтууга белсенип жаткан манасчы Дөөлөт Сыдыковду жандаган маданият тармагынын кызматкерлери "Ала-Тоо" аянтын көздөй келе жатышат

Манасчы Дөөлөт Сыдыков бүгүндөн тарта узак убакыт манас айтып, Гиннестин рекорддор китебине катталууга аракет кылууда.

Бүгүн, 12-ноябрда, Бишкекте азыркынын көрүнүктүү манасчысы Дөөлөт Сыдыковдун "Манас" эпосун узак мөөнөт - 12 саат айтууну баштады. Мындай окуя Кыргызстандын тарыхында алгачкы ирет болуп жатат.

Sputnik Кыргызстан агенттиги иш-чарадан сүрөт баян сунуш кылат.

Борбордук "Ала-Тоо" аянтында Манастын эстелигинин жанына беш метр бийиктиктеги айнектен жасалган боз үй (атайын жай) жасалган. Манасчы ошол үйдүн ичинде отуруп эпосту айта баштады.

Сыдыков токтобой, эс албай, тамактанбай, суу ичпей, дээрлик 12 сааттан ашык убакытка чейин манас айтууга ниеттенүүдө.

 

Тема боюнча

Дөөлөт Сыдыков тынбай манас айтып Гиннеске кирүүгө ниеттенип жатат
"Ала-Тоодо" эпос жаңырып. Дөөлөт Сыдыков 12 саат манас айтууну баштады. Сүрөт
Белгилер:
Манас айтуу, Дөөлөт Сыдыков, рекорд, Гиннес китеби

Дагы сүрөт түрмөктөрү

ЭҢ МААНИЛҮҮ