Токаев: КР менен чектешкен аймактагы башаламандыкта каза болгондор бар

© Sputnik / Владислав Воднев / Медиабанкка өтүүПрезидент РФ В. Путин принимает участие в заседании Высшего Евразийского экономического совета
Президент РФ В. Путин принимает участие в заседании Высшего Евразийского экономического совета - Sputnik Кыргызстан
Жазылуу
Коңшу өлкөнүн башчысы Улуттук коопсуздук комитети менен Генералдык прокуратурага тергөө иштерин жүргүзүп, улут аралык кастыкты тутанткан, чагымчыл жана туура эмес маалыматтарды тараткандарды жоопкерчиликке тартууну тапшырды.

БИШКЕК, 8-янв. — Sputnik. Казакстандын Кордай районундагы башаламандыкты иликтөө жана анын кесепетин жоюу боюнча өкмөт башчынын орун басары Бердибек Сапарбаев башында турган өкмөттүк комиссия түзүлдү. Бул туурасында Акорда кабарлады. 

Башаламандык боюнча Казакстандын президенти Касым-Жомарт Токаев дагы билдирүү жасап, тапшырма берди.

"Бул окуядан чагымчылдар пайдаланып кетти. Тилекке каршы, каза тапкандар жана жабырлангандар бар. Алардын жакындарына көңүл айтам. Жаракат алгандардын тезинен сакайып кетишин каалайм", — деген Токаев.

Учурда кырдаал полиция жана Улуттук Гвардиянын көзөмөлүндө турат.

Работа КПП Чалдыбар-Автодорожный - Sputnik Кыргызстан
Чек ара кызматы: Казакстандан Кыргызстанга өткөндөр адаттан тыш көп болууда
"Мамлекеттик органдар окуянын кесепеттерин жоюу үчүн тез арада тиешелүү аракеттерди көрүүсү керек. Буга байланыштуу, биринчиден, Кордай районундагы башаламандыктын кесепетин жоюу боюнча өкмөт башчынын орун басары Бердибек Сапарбаевдин жетектөөсү алдында өкмөттүк комиссия түзүлсүн. Эң негизгиси, чыр-чатактын келип чыгуу себептерин аныктоо зарыл. Социалдык-экономикалык, гуманитардык маселелер ыкчам чечилсин. Өкмөттүк комиссия Жамбыл облусунун акими менен биргеликте каза болгондорду акыркы сапарга узатуу зыйнатын уюштуруп, келтирилген зыяндын өлчөмүн аныктап, жабыркагандардын мүлкүн калыбына келтирүү боюнча план түзүшү керек. Каза болгон жана жаракат алгандардын жакындарына жардам берүү абзел. Азыр калкты тынчтандыруу керек. Ага Казакстандын элдер ассамблеясы, жериндеги кадыр-барктуу адамдар тартылды. Экинчиден, Генералдык прокуратура Кордай районундагы окуяны иликтөөнү өзгөчө көзөмөлгө алып, ал үчүн мекеме аралык ыкчам-тергөө тобун түзүү зарыл. Күнөөлүүлөр катуу жазаланышы керек", — деди Токаев.

Андан сырткары, коңшу өлкөнүн башчысы Улуттук коопсуздук комитети менен Генералдык прокуратурага тергөө иштерин жүргүзүп, улут аралык кастыкты тутанткан, чагымчыл жана туура эмес маалыматтарды тараткандарды жоопкерчиликке тартууну тапшырды.

Жаңылыктар түрмөгү
0