09:59 24 Жетинин айы 2020
Түз эфир
  • USD84.7968
  • EUR100.7047
  • RUB1.1193
Окуялар
Кыскача шилтеме алуу
Ишкер Айэркен Саймаитинин Түркияда өлтүрүлүшү (40)
2233 0 0

Кытайдын жараны делген Саймаити 10-ноябрда Түркияда атып өлтүрүлгөн. Кылмышка шектүү катары үч киши колго түшүрүлүп, экөө кыргызстандык экени айтылууда.

БИШКЕК, 13-ноя. — Sputnik. Түркияда киши колдуу болгон ишкер, Кытай жараны Айэркен Саймаити 2017-жылы Кыргызстанда өзүнүн өнөктөшүн 3 миллион 268 миң сомго алдап, бул боюнча Кылмыш-жаза кодексинин 166-беренесинин негизинде кылмыш иши козголгон. Бул тууралуу ички иштер министри Кашкар Жунушалиев парламентте билдирди.

Анын айтымында, Саймаитиге Интерпол аркылуу эл аралык издөө жарыяланган.

Эскерте кетсек, ишкердин өлүмүнө шектелип, үч киши колго түшүрүлгөн. Анын экөө кыргызстандык, бирөө сириялык деген маалымат да тараган. Кийинчерээк КРдин Тышкы иштер министрлиги айтылгандардын баары текшерилип жатканын белгилеп, шектүүлөр кармалган маалда жандарында эч кандай документ болбогонун белгилешкен.

Ал эми кылмыш болгон жерден Кыргызстандын Стамбулдагы консулу Эркин Сопоковго таандык Range Rover үлгүсүндөгү автоунаа табылып, дипломат иштен алынган.

Тема:
Ишкер Айэркен Саймаитинин Түркияда өлтүрүлүшү (40)

Тема боюнча

Кыргызстандыктар өлтүрдү деген Саймаити эл аралык издөөдө болчу
ТИМ: Саймаити өлтүрүлгөн жердеги унаа кыргыз консулуна тийиштүү болгон
Белгилер:
парламент, ишкер, Кашкар Жунушалиев, Айеркен Саймаити, Туркия

ЭҢ МААНИЛҮҮ