04:31 19 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Тапанча кармаган милиция кызматкери. Архивдик сүрөт

Маалымат булагы: Бишкекте милиция жетекчиси жолдогу айдоочуга ок чыгарган

© Sputnik / Табылды Кадырбеков
Окуялар
Кыскача шилтеме алуу
386 0 0

Жарадар болгон жаран Бишкек шаардык травматология жана ортопедия илим изилдөө борборуна жеткирилген. Эми ага операция жасалары айтылды.

БИШКЕК, 9-окт. — Sputnik. Бүгүн, 9-октябрда, Бишкек шаардык криминалдык милициянын уюшкан кылмыштуулукка каршы күрөшүү бөлүмүнүн жетекчиси Нурлан Амангулов бирөөлөр менен жол талаша кетип, ага ок чыгарган. Бул тууралуу тартип коргоо органдарындагы маалымат булактар билдирди.

Окуянын Токомбаев жана Алымкулов көчөлөрүнүн кесилишинде болгону айтылууда.

Амангулов 25 жаштагы айдоочу менен айтыша кеткен. Милиционер тапанчасын алып чыгып, урушуп жаткан кишиге карай ок чыгарган.

Жарадар болгон жаран Бишкек шаардык травматология жана ортопедия илим изилдөө борборуна жеткирилген.

“Эртең менен 25 жаштагы октон билеги жана чыканагы жарадар болгон жаран келип түшкөн. Зарыл болгон жардам көрсөтүлдү. Операция жасайбыз, абалы орточо оор”, — деп айткан Жумабеков.

Бишкек шаардык милициясы бул кабарды тактаган да, жокко чыгарган да жок. Алар маалыматты кечирээк бере турганын айтышты.

Эске салсак, Амангулов 2019-жылы 11-апрелде Кант шаарында уурдалган 10 жаштагы Данил Браилкинди табуу иштеринин ийгиликтүү болгону үчүн сыйланган Криминалдык милиция кызматынын түзүмүнүн 10 кызматкеринин катарында болгон. Ага "Каармандык" медалы ыйгарылган.

Тема боюнча

Пара алып кармалган милиционерлер убактылуу кармоо жайына киргизилди
Белгилер:
Бишкек, ок атуу, жарадар, оорукана, милиция, Кыргызстан

ЭҢ МААНИЛҮҮ