07:29 23 Баш оона 2019
Түз эфир
  • USD69.7961
  • EUR77.4597
  • RUB1.0636
Тергөө абагында кармалып жаткан Аида Салянова. Архивдик сүрөт

ЖАМК: Салянова Кыргызстанда операция жасатуудан баш тартты

© Фото / пресс-служба Жогорку Кенеша
Окуялар
Кыскача шилтеме алуу
68310

Учурда Салянова №1 убактылуу тергөө абагында.

БИШКЕК, 31-июл. — Sputnik. Тергөө абагында кармалып жаткан Аида Салянова Кыргызстандан операция жасатуудан баш тартып жатат. Бул тууралуу Жаза аткаруу мамлекеттик кызматы билдирди.

Белгилей кетсек, буга чейин айрым ЖМКлар мурдагы башкы прокурор Аида Салянованын жүрөк оорусу күчөп жатканын жана туугандары ага тез аранын ичинде чет жактан операция жасатуу керектигин айтып жатышканын жазышкан.

ЖАМКнын тараткан маалыматына ылайык, учурда Салянованын абалы салыштырмалуу туруктуу. Ал Бишкектеги №1 тергөө абагында мекеменин дарыгерлеринин көзөмөлүндө турат.

"ЖАМКнын дарыгерлери Салянваны такай карап жатышат. Алардын айтымында, Салянова стационардык дарыланууга муктаж эмес, кыймылдуу, акыл-эси тунук", — деп айтылат маалыматта.

Белгилей кетсек, Салянова кримтөбөл Азиз Батукаевдин Кыргызстандан чыгып кетиши боюнча козголгон кылмыш иштин алкагында 5-июнда камакка алынган. 15-июнда ден соолугуна байланыштуу Мирсаид Миррахимов атындагы Улуттук кардиология жана терапия борборуна жеткирилген. Дарыгерлер консилиумдан кийин "Салянова ооруканада болушу керек" деген чечим чыгарып, анын жүрөк-кан тамыр илдеттери менен жабыркай турганын маалымдашкан.

29-июнда ооруканадан №1 тергөө абагына кайрадан которулган.

Салянова Бишкектин Биринчи Май райондук сотунун чечими менен 26-августка чейин тергөө абагында калтырылган.

Тема боюнча

Рысбек Акматбаев менен айыгыша тирешкен. Азиз Батукаев тууралуу 8 факты
Батукаевдин иши: сот Салянованы тергөө абагында калтырды
Абактагы Салянованын абалы кандай экени айтылды
Белгилер:
Азиз Батукаев, ден соолук, ЖАМК, Аида Салянова

ЭҢ МААНИЛҮҮ