БИШКЕК, 5-июл. — Sputnik. Бишкек шаардык соту экс-башкы прокурор Аида Салянованы 26-августка чейин №1 тергөө абагында калтыруу боюнча Биринчи Май райондук сотунун чечимин күчүндө калтырды. Бул тууралуу шаардык соттун маалымат кызматынан билдиришти.
Эске салсак, Салянова кримтөбөл Азиз Батукаевдин Кыргызстандан чыгып кетиши боюнча козголгон кылмыш иштин алкагында 4-июндун түнүндө ШИИБдин убактылуу кармоо жайына киргизилген. Кийин Бишкектин Биринчи Май райондук сотунун чечими менен 26-августка чейин №1 тергөө абагында калтырылган.
Салянованын ден соолугу начарлап кеткенине байланыштуу анын жактоочусу Рабига Сыдыкова райондук соттун чечимин жокко чыгарып берүү өтүнүчү менен шаардык сотко кайрылган. Бирок ал жактоочунун суранычын канааттандырган эмес.
