БИШКЕК, 17-апр. — Sputnik. Бишкектин Биринчи Май райондук соту Казарманда өрт коюуга шектелип кармалгандардын баш коргоо чарасын карады.
Сот 12 эркек кишини №1 Тергөө абагына эки айга камоо жана үч аялды өлкөдөн чыкпоого милденттендирүү менен коё берүү чечимин чыгарды
Эскерте кетсек, 11-апрелде "Макмал" алтын комбинатынын алдына миңге жакын тургун чогулуп, кытайлык "Джи Эл Макмал Девелопинг" фабирикасынын курулуштарын өрттөп жиберген. Нааразычылылык акциясына чыккан миңдей адам жаңы фабриканын курулушуна каршы болгон.
Бул факты боюнча КРдин Кылмыш жана жаза кодексинин 234 (Бейбашчылык), 174 (Мүлктү атайылап жок кылуу же зыянга учуратуу) жана 233-беренелери (Массалык тартипсиздик) менен кылмыш иши козголуп, 15 адам кармалган болчу.
