БИШКЕК, 5-ноя. — Sputnik. Чыңгыз Айтматов проспектисинде жайгашкан Asia Mall соода борборунун маңдайында болгон жол кырсыктан беш адам каза болду. Бул тууралуу Sputnik Кыргызстан агенттигинин кабарчысына Саламаттыкты сактоо министрлигинен билдиришти.
5 Жетинин айы 2017, 10:58
Белгилей кетсек, 5-ноябрда таңкы саат 4.30дар чамасында кара түстөгү Toyota Camry проспекти менен ылдый түшүп келе жатып жолдон чыгып, каршы тилкедеги ак түстөгү Toyota Camry менен кагышкан. Кырсыктын кесепетинен бир унаадан өрт чыгып айдоочусу тирүүлөй күйүп кеткен.
"Кырсыктан беш адам каза таап, үчөө ооруканага жаткырылды. Бирөөнүн баш мээси чайкалган, экинчисинин буту сынган, үчүнчү жабырлануучу жаагынан жараат алган", — деп айтылат маалыматта.
Ал эми шаардык Кайгуул милиция башкармалыгы каза болгондор туурасында маалымат бере элек. Укук коргоо органдары териштирүү иштерин жүргүзүп жатат.
