Өзгөндөгү жер көчкүнүн алдында калган эки баланын сөөгү чыгарылды

© Фото / пресс-служба МЧС КРУстановка палаток в селе Ничке-Сай
Установка палаток в селе Ничке-Сай - Sputnik Кыргызстан
Жазылуу
Биринчи баланын сөөгү саат 14:00дөрдө табылса, экинчи бала жарым сааттан кийин табылган. Учурда алардын аты-жөнү такталууда.

БИШКЕК, 29-мар. — Sputnik. Өзгөн районунун Зергер айыл аймагындагы Ничке-Сай айылында жер көчкү басып калган жарандарды издөө учурунда куткаруучулар бүгүн эки баланын сөөгүн табышты. Бул тууралуу ӨКМ билдирди.

Эскерте кетсек, 26-мартта таңга жуук Ош облусунун Өзгөн районундагы Ничке-Сай айылынын Топ-Жаңгак участкасында жер көчүп, бир турак жайды басып, төрт балалуу үй-бүлө көчкү алдында калган

Жер көчкү. Архив - Sputnik Кыргызстан
Өзгөн: жер көчкү жүргөн аймактын жашоочулары соттун чечими менен көчүрүлөт
Маалыматка ылайык, биринчи баланын сөөгү саат 14:00дөрдө табылса, экинчи бала жарым сааттан кийин табылган. Учурда алардын аты-жөнү такталууда.

Бүгүн каза болгондорго карата жергиликтүү эл куран окуткан болчу. 

Көчкү алдында калган 29 жаштагы үй ээси Топ-Жаңгак участкасына уруксатсыз эки бөлмөлүү турак жай куруп алган. 1996-жылы да ал үй-бүлөнүн атасына да ушундай эскертүү берилип, коопсуз жайга көчүрүлгөн. Көчкү түшкөн тилкеде жалпысынан беш турак жай жайгашкан. Бир үй-бүлө буга чейин коопсуз жайга көчүрүлгөн. Көчкү алдында калган төрт турак жайдын үчөөндө эч ким жашаган эмес.

Жаңылыктар түрмөгү
0