Өзгөндө жер көчүп, төрт балалуу үй-бүлөнү басып калды

© Фото / пресс-служба МЧС КРЖер көчкү. Архив
Жер көчкү. Архив - Sputnik Кыргызстан
Жазылуу
Жер көчкүнүн узундугу болжол менен 800, бийиктиги 4-15 метр. 500 метр аралыкка чейин сүрүлүп барып, бир турак-жайды басып калган.

БИШКЕК, 26-мар. — Sputnik. Ош облусунун Өзгөн районундагы Ничке-Сай айылынын Топ-Жаңгак участкасында бүгүн түнү жер көчүп, бир үйдү басып калганын ӨКМ маалымдады.

"Жер көчкүнүн узундугу болжол менен 800, бийиктиги 4-15 метр. 500 метр аралыкка чейин сүрүлүп барып, бир турак-жайды 6 адамы менен (үй ээси, аялы жана 4 баласын) басып калган. Учурда турак-жай жана каза болгон жарандар такыр көрүнбөйт", — деп айтылат маалыматта.

Ошондой эле көчкү түшкөн адырдын арткы бетинде дагы бир турак жай бар экени айтылат.

Өзгөн районунун борборунан Топ-Жаңгак участкасына чейин 31 чакырымдык жол. Анын акыркы беш чакырымына унаа бара албагандыктан жөө, атчан катташат.

 

Жаңылыктар түрмөгү
0