БИШКЕК, 14-фев. — Sputnik. Бишкектеги "Космопарк" эс алуу борборуна бомба коюлганы тууралуу маалымат келип түшкөнүн Бишкек шаардык ИИБдин маалымат катчысы Олжобай Казабаев Sputnik Кыргызстан агенттигине билдирди.
Поступил звонок о заложенной бомбе в развлекательном комплексе "Космопарк"
© Фото / Суйун Токсобаев
Анын айтымында, бомба тууралуу анонимдүү билдирүү милицияга кабарланган.
Учурда эс алуу борборуна милиция кызматкерлери иштеп жатат. Имараттын аймагы курчоого алынып, эл эвакуацияланды.
Азырынча эч кандай жардыруучу түзүлүш табыла элек. Кенен маалыматты милиция кечирээк берерин белгиледи.
"Космопаркка" келгендердин бири имарат кызматкерлери эч нерсе түшүндүрбөстөн эшикке чыгууну өтүнүшкөнүн белгиледи. Анын айтымында, аздан соң аталган жерге милиция кызматкерлери келишкен.
