БИШКЕК, 14-фев. — Sputnik. Чоң-Алайда кар көчкү эки унааны басып калды. Бул тууралуу ӨКМ билдирди.
Маалыматка ылайык, үстүбүздөгү жылдын 13-февралында саат 15:50 чамасында Дароот-Коргон — Чак — Жаш-Тилек унаа жолунун 0,3-чакырымындагы Балтырганды участкасында көлөмү болжол менен 3000 метр куб кар көчкү түшүп, унаа жол жабылып калган.
"Унаа жолдон өтүп бараткан Daewoo Matiz жана Нива унааларын кар көчкү басып калган. Кырсыктан эч ким жабыркаган эмес", — деп жазылат маалыматта.
Жол бир тараптуу ачылып, учурда карды тазалоо иштери улантылууда.
