Салыктан качкан ишканалардын ЖМКга жарнама беришине тыюу салуу сунушталды

© Sputnik / Алексей Сухоруков / Медиабанкка өтүүПлатежные квитанции за услуги ЖКХ
Платежные квитанции за услуги ЖКХ - Sputnik Кыргызстан
Жазылуу
Мыйзам долбоорунун максаты — салык төлөөдөн качууга жол бербөө жана бюджеттин кирешесин толуктоо болуп саналат.

БИШКЕК, 11-июн. — Sputnik. Экономика министрлиги жалпыга маалымдоо каражаттарына (ЖМК) компания салык органдарында катталганын тастыктоочу реквизиттерин көрсөтмөйүнчө жарнамасын жарыялоого тыюу салууну сунуштап жатат. Аталган мыйзам долбоору парламентте биринчи окууда каралды.

Электромобиль. Архив - Sputnik Кыргызстан
Кыргызстанга электромобиль алып келгендерди салыктан бошотуу сунушталууда
Ага ылайык, "Жарнама жөнүндө" мыйзамга өзгөртүү киргизүү демилгеленген. Экономика министринин орун басары Бекболот Алиев учурда гезит, телевидение сыяктуу ЖМКларга жарнама бергендердин арасында салык органына катталбай көмүскө ишкердик кылгандар бар экенин белгиледи. Эгер сунушталган эрежелер колдоо тапса, талапты аткарбагандарга административдик жоопкерчилик каралат.

Мыйзам долбоорунун максаты — салык төлөөдөн качууга жол бербөө жана мамлекеттик бюджеттин киреше бөлүгүн толуктоо болуп саналат.

Жаңылыктар түрмөгү
0