08:47 21 Жетинин айы 2018
Түз эфир
  • USD69.8310
  • EUR79.8168
  • RUB1.0647
Улуттук банк төрагасы Толкунбек Абдыгулов. Архив

Улуттук банк Толкунбек Абдыгулов алган 5 млн. сомду кечип койду. Кантип?

© Фото / пресс-служба НБКР
Экономика
Кыскача шилтеме алуу
1112 0 0

2015-жылы Толкунбек Абдыгулов Улуттук банктан турак жай үчүн 5,5 миллион сом ссуда алган.

БИШКЕК, 1-ноя. — Sputnik. Улуттук банк төрага Толкунбек Абдыгулов алган ссуданын калган суммасын — 4,8 миллион сомду кечип койду. Бул тууралуу мекеменин маалымат кызматынан кабарлашты.

Билдирмеге караганда, банк өзүнүн кызматкерлерине социалдык колдоо көрсөтүү максатында өз каражатына турак жай ссудасын, керектөө насыяларын берүүгө укуктуу.

Турак жай ссудасын берүү жана андан кутулуу боюнча эрежелер "Улуттук банктын кызматкерлерин турак жай менен камсыздандыруу" жөнүндөгү жобонун негизинде көзөмөлгө алынат.

Ал жобого ылайык, эгер банктын кызматкери кызмат учурунда каза болуп же 1-2-топтогу майыптык алса, же банк системасы менен республиканын экономикасынын өнүгүшүнө салымын кошсо берилген ссуда кечирилет.

Ар бир конкреттүү учур Улуттук банктын башкармалыгы тарабынан өзүнчө каралат.

"Улуттук банктын кызматкерлерин турак жай менен камсыздандыруу" мыйзамдарынын жоболоруна ылайык, 2015-жылдын июнь айында Толкунбек Абдыгулов 5,5 миллион сом ссуда алган. Улуттук банк Абдыгулов 2017-жылы вице-премьер болуп дайындалганын белгилейт.

"Банк системасы менен өлкөнүн экономикасынын өнүгүшүнө салым кошкондугу үчүн, жетектөөчү саясий кызматка которулганы жана 10 жылдык тажрыйбасы үчүн Улуттук банктын башкармалыгынын чечими менен Толкунбек Абдыгулов алган каражаттын калганы — 4 миллион 824 миң сом кечирилди", — деп айтылат маалыматта.

Улуттук банктан белгилешкендей, 2000-жылдан 2018-жылга чейин Улуттук банктын кызматкерлерин үй менен камсыздоо үчүн 800 миллион сомго жакын каражат бөлүнүп, анын 32 миллиону кечирилген. Бул жалпы сумманын 4 пайызын түзөт.

Буга чейин Sputnik Кыргызстан агенттиги эң көп маяна алган аткаминерлердин тизмесин жарыялаган. Алардын арасында Улуттук банктын төрагасы Толкунбек Абдыгулов дагы бар.

Тема боюнча

Бир жылда 4 млн. сом айлык алган. Маянасы көп аткаминерлердин тизмеси
Белгилер:
ссуда, Улуттук банк, Толкунбек Абдыгулов
Колдонуу эрежелериПикирлер

ЭҢ МААНИЛҮҮ