21:58 11 Чын Куран 2021
Түз эфир
  • USD84.7863
  • EUR100.7855
  • RUB1.0988
Маданият

Якутияда бугу издеген Болот Шамшиев, Жолон Мамытов, Айтурган Темирова. Таберик сүрөт

Маданият
Кыскача шилтеме алуу
"Таберик сүрөт" — сейрек кездешкен ирмемдер (144)
0 0

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.

Якуттардын чанасында отурган CCCРдин эл артисти, белгилүү режиссер Болот Шамшиев, акын Жолон Мамытов жана экөөнүн артында турган киноактриса Айтурган Темированын сүрөтү 1973-жылы Саха Республикасындагы (Якутия) шаар тибиндеги Тикси айылына жакын жерде тартылган

Якуттардын чанасында отурган CCCРдин эл артисти, белгилүү режиссер Болот Шамшиев, акын Жолон Мамытов жана экөөнүн артында турган киноактриса Айтурган Темированын сүрөтү 1973-жылы Саха Республикасындагы (Якутия) шаар тибиндеги Тикси айылына жакын жерде тартылган.

Анда сүрөттөгү чыгармачыл инсандар Якутияга "Ак кеме" тасмасына тартылчу бугуну алып келүү үчүн барган.

Ошол кезеңди аталган кинофильмдин оператору Манасбек Мусаев мындайча эскерет:

"Биз "Ак кемени" тартуу иштерин 1974-жылы баштаганбыз. Ага чейин үч-төрт ай убакыт даярдык көрүлгөн. Актердук курамды тандап, тартууга ылайыктуу жерлерди издегенбиз. Өңү ак бугу керек болуп, аны атайын топ Якутиядан поезд менен алып келген. Сахага баргандардын ичинде Болот Шамшиев, Жолон Мамытов жана Айтурган Темирова бар эле. Кыргызстанга жаныбарды коштоп, анын ээси жана бир адис келген. Андан сырткары, күрөң бугуларды да Ысык-Көл облусуна ташып барганбыз. Ошол жылдары акын Жолон Мамытов Кыргызстан кинематографисттер союзунда уюштуруу иштери боюнча катчы болчу. Кинофильм соңуна чыкканда бугуларды Жети-Өгүз районунун Тамга айылындагы аскердик санаторийдин короосундагы чакан зоопаркка өткөрүп бергенбиз", — деди Мусаев.

"Ак кемени" тартууга жалпы 600 миң рубль бөлүнгөн. Басымдуу бөлүгү Чоң-Жаргылчак капчыгайында тартылып, Турсун Уралиев, Асанкул Куттубаев, Сабира Күмүшалиева, Даркүл Күйүкова, Орозбек Кутманалиев, Назира Мамбетова, Чоро Думанаев, Айтурган Темирова жана Нургазы Сыдыгалиев роль жараткан. Жыйынтыгында эмгек 1976-жылы IX Бүткүл союздук кинофестивалда баш байгеге татып, жазуучу Чыңгыз Айтматов, режиссер Болот Шамшиев, оператор Манасбек Мусаев СССРдин Мамлекеттик сыйлыгына ээ болгон. Ал эми кийинки жылы Италияда "Алтын Эдельвейс", "Күмүш лачена" сыйлыктарын уткан.

Аталган тасмадагы кызыктуу ирмемдерди Sputnik Кыргызстан агенттигинин материалынан көрүүгө болот.

Тема:
"Таберик сүрөт" — сейрек кездешкен ирмемдер (144)

Тема боюнча

Рыскуловдун "конокко кечигип келгенин жактырбаган" Жумадылов. Таберик сүрөт
Айтматов жана залкар актрисалар. 40 жыл мурунку таберик сүрөт
Чокморовдун ден соолугун алган "Караш-Караш окуясы". Таберик сүрөт
Белгилер:
таберик сүрөт, Айтурган Темирова, Жолон Мамытов, Болот Шамшиев

ЭҢ МААНИЛҮҮ