18:39 19 Бештин айы 2018
Түз эфир
  • USD69.8381
  • EUR79.6224
  • RUB1.0406
Сүрөт

"Ак кеме" 40ка чыкты – камера артындагы белгисиз кадрлар

Кыскача шилтеме алуу
263250
  • Тасманын алгачкы дубли жарабай калган – шампандын бөтөлкөсү кинокамеранын кабелине зыян келтирген.
  • Кырсык тооруп, актер-бугу өлүп калат. Бирок, киночулардан амал качып кутулбаптыр. Эпизоддордо суунун үстүндөгү баш жансыз бугунуку болсо, дене москвалык суучулга таандык экен.
  • Кино тартуу учурунда боек пайдаланууга тыюу салынгандыктан, авторлор ак суудан аккан канды берүү үчүн сүт менен кадимки канды пайдаланышкан.
  • 17 жаштагы Айтурган Темирова Индия ырларын кубулжутуп созгон Гүлжамал сулуунун ролунда.
  • Катаал тоолуу шартта дагы Манас Мусаев колго жасалган конструкциялар менен панорамалык обзорду чеберчилик менен тартууга жетишкен.
  • Момун чалдын ролундагы Асанкул Куттубаев Болот Шамшиев менен кезектеги эпизодду даярдап жатышат.
  • Эх-хх, таене, таене... СССРдин эл артисти Сабира Күмүшалиева Карыз таененин образын жараткан.
  • Баланын ролу Нургазы Сыдыгалиев үчүн дебюттук роль эле, бир жылдан кийин ал Птицы наших надежд тасмасында Тимурдун ролун ойнойт.
  • Ошондогу Асанкул Куттубаевдин мындай образын азыркынын актерлору жарата алары күмөн. Алар кооптуу жерлерде да каскадерлордун кызматын пайдаланбаганга аракет кылышкан.
  • Зөөкүр Орозкулдун бугунун башын аесуз чаап жатканы – дене-бойду дүркүрөткөн  көрүнүштөрдүн бири.
  • Мас адамдардын окуясын реалдуу чагылдырып, образга кириш үчүн кээде кадимки эле арак колдонулган.
  • Болот Шамшиев кийинки окуянын чоо-жайын түшүндүрүп жатат.
  • Режиссер Болот Шамшиевдин тасманы жарык дүйнөгө жараткан сыйкырдуу  мотор! деген буйругу.
  • Айтурган Темированын эпизодун репетициядан өткөрүү.
  • Шаман аялдын образын жараткан Даркүл Күйүкова тасманын согуштук эпизодунда.
  • Бугу эненин бешиктеги баланы сактап калышы. Үңүлө келгенде, бул фрагменттин камера артындагы түйшүгү арбын болгон.
Александр Федоров
Тасманын алгачкы дубли жарабай калган – шампандын бөтөлкөсү кинокамеранын кабелине зыян келтирген.

Мындан туура 40 жыл мурда, 1975-жылы "Кыргызфильм" студиясынын тасма тартуучу тобу "Ак кеме" киносун тартуу үчүн Ысык-Көлдүн Чоң-Жаргылчак капчыгайындагы токой коругуна келген. Бул шедевр картинадагы трагедияга сугарылган ар бир образ кыргыз эле эмес, чет элдик бир топ кино сүйөрмандарын таасирленткен.

Sputnik агенттиги сүрөтчү Александр Федоров тарабынан тартылган уникалдуу кадрларды тартуулайт.

Тасманы режиссер Болот Шамшиев коюп, сценарийин повесттин автору Чыңгыз Айтматов менен биргеликте жазышкан. 1976-жылы Фрунзе шаарында өткөн IX Бүткүл союздук кинофестивалда баш байгеге ээ болгон тасманын оператору Манас Мусаев болгон. Фильмдин үч негиздөөчүсүнө 1977-жылы СССРдин мамлекеттик сыйлыгы ыйгарылган.

Баланын ролун Нургазы Сыдыгалиев, Момунду Асанкул Куттубаев ойногон. Зөөкүр Орозкулдун образын Орозбек Кутманалиев жаратса, Карыз таенени Сабира Күмүшалиева, Гүлжамал сулууну Айтурган Темирова, шаман кемпирди Даркүл Күйүкова ойногон.

Тасмадагы окуя Ысык-Көлдө тоо арасындагы токой чарбасында өтөт. Өзү курлуу теңтуштары жок, атасын өмүр бою сагынган жети жашар бала чоңдордун арасында өсүп, өзү менен өзү ойноого аргасыз. Таятасы Момун айтып берген уламыштардан жаратып алган кыял дүйнөсүндө жашап келет.

Бирок, кадимки турмушта баары ал ойлогондой таза, жөнөкөй эмес. Чоңдор зөөкүр Орозкулдун кыял-жоругуна унчукпай чыдап келишет. Баланын гана аруу жүрөгү таарынычка толуп, акыйкатсыздыкка таптакыр макул боло албайт. Акыры Момун чал үйрөтүп, ымыркай кезинен жан дүйнөсүнө сиңирип келген дүйнөдөн арыла албай, бул жашоонун адилетсиздигин көтөрө албай, балык болуп сүзүп кетти…

Тема боюнча

Таш-Дөбөдөгү жайлоо бала бакчасында Океевдин "Бакайдын жайытын" көрсөтүшөт
Белгилер:
"Ак кеме" тасмасы, кино тасма, кадрлар, Сүрөт, Александр Федоров, Нургазы Сыдыгалиев, Болот Шамшиев, Кыргызстан
Колдонуу эрежелериПикирлер

Дагы сүрөт түрмөктөрү

ЭҢ МААНИЛҮҮ