Казакстандын аскер бөлүгүндөгү жарылуу: коргоо министри отставкага кетти

© Sputnik / Евгений Биятов / Медиабанкка өтүүIX Московская конференция по международной безопасности
IX Московская конференция по международной безопасности - Sputnik Кыргызстан, 1920, 27.08.2021
Жазылуу
Жамбыл облусундагы аскер бөлүктүн аймагында 26-августта кечки саат тогуздарда өрт чыгып, кесепетинде бир нече жарылуу болгон.

БИШКЕК, 27-авг. — Sputnik. Казакстандын коргоо министри Нурлан Ермекбаев Жамбыл облусунда жайгашкан аскер бөлүктөгү жарылуудан кийин кызматын тапшыруу чечимин кабыл алды. Бул тууралуу өкмөт мүчөсүнүн брифингдеги сөзүнө таянып Sputnik Казакстан агенттиги жазды.

"Жарылуу жөнүндө угарым менен отставкага кетишим керек деп чечим кабыл алгам. Албетте, акыркы сөздү өлкө жетекчилиги кабыл алат", — деди министр журналисттердин суроосуна жооп берип жатып.

Пожар в воинской части в Жамбыльской области РК - Sputnik Кыргызстан, 1920, 27.08.2021
Тараздагы жарылуудан төрт аскер кызматкери көз жумду. Акыркы маалымат
Sputnik Казакстан агенттигине министрликтин маалымат кызматынан билдиришкендей, учурда Ермекбаев кырсыктын кесепеттерин жоюу иштери менен алек. Баары соңуна чыккандан кийин ал арызын жазары кошумчаланды.

Буга чейин жарылуулар учурунда төрт аскер кызматкери каза болгону айтылып жатса, акыркы маалыматтардан өрт өчүрүүчүлөр командасынын начальниги дагы көз жумганы белгилүү болду. Ушуну менен каза болгондордун саны бешке жетти. Ал эми жаракат алгандардын саны 90дун тегерегинде экени айтылууда.

Эске салсак, Жамбыл облусундагы аскер бөлүктүн аймагында 26-августта кечки саат тогуздарда өрт чыгып, кесепетинде бир нече жарылуу болгон. Бийлик жарылуу болгон аймакка жакын жердеги айылдардын тургундарын коопсуз жайга көчүрдү.

Жаңылыктар түрмөгү
0