Токаев Казакстанда президенттик шайлоо мөөнөтүнөн мурда өтөрүн жар салды

© REUTERS / HANDOUTКазакстандын президенти Касым-Жомарт Токаев. Архив
Казакстандын президенти Касым-Жомарт Токаев. Архив - Sputnik Кыргызстан
Жазылуу
Касым-Жомарт Токаев өлкө башчысы катары биринчи жолу элине кайрылды.

БИШКЕК, 9-апр. — Sputnik. Казакстандын президенти Касым-Жомарт Токаев шайлоонун мөөнөтүнөн мурда, 9-июнда өтө турганын жарыялады. 

Өлкө башчы бул тууралуу элге кайрылып жатканда айткан. Кайрылууну жергиликтүү телеканалдар көрсөттү.

"Мен Эл башы Нурсултан Назарбаев менен кеңештим, өкмөт башчылар, парламент төрагалары, Конституциялык кеңеш жана партиялардын жетекчилери менен сүйлөштүм. Бул өтө маанилүү кадам. Президенттик шайлоону 2019-жылдын 9-июнунда өткөрүү чечимин кабыл алдым. Президенттик шайлоо ачык жана таза өтөт", — деди Токаев.

Касым-Жомарт Токаев Казакстандын биринчи президенти Нурсултан Назарбаев отставкасын жарыялагандан кийин өлкө башчы болгон.

Өз сөзүндө президент шайлоону эрте өткөрүүнүн себебине да токтолду.

Жаңылыктар түрмөгү
0