Казакстандын ТИМи кыргыз дипломатына нота тапшырды

Жазылуу
Коңшу өлкөнүн Тышкы иштер министрлиги Бишкек ушу кезге чейин “блокада жана адам өлүмү” боюнча ооз ачпаганына таң калууда.

БИШКЕК, 21-фев. — Sputnik. Казакстандын Тышкы иштер министрлиги Кыргызстандын убактылуу өкүлү Кайнарбек Токтомушевге президент Алмазбек Атамбаевдин билдирүүсүнөн улам дипломатиялык нота тапшырганын Sputnik Казакстан агенттиги жазып чыкты.

Маалыматта буга Атамбаевдин Euronews каналына 2010-жылы казак тараптын чек ара тосуу аракети тууралуу берген маеги негиз болгону айтылат.

“2010-жылы Казакстан 1,5 айга чек арасын жаап койгондон кийин бизде адам өлүмү катталган”, — деп айткан президент.

Президент Алмазбек Атамбаевдин архивдик сүрөтү - Sputnik Кыргызстан
Атамбаевдин Россияга иш сапары менен барышы күтүлүүдө
Коңшу өлкөнүн Тышкы иштер министрлиги аталган билдирүү боюнча түшүндүрмө берүүнү талап кылып, Кыргызстандын ТИМ жетекчисинин орун басары казак элчисин чакырып, президент эмне жөнүндө сүйлөгөнүн, мындан ары кер-мур айтышпай кызматташууну өнүктүрүүгө көңүл буруу керектигин билдирген. 

Токтомушевди тышкы иштер министринин орун басары Галымжан Койшыбаев чакырып, ага “таң калуу жана Кыргызстандын президенти тарабынан айтылган сөзгө макул эместик” келтирилген. 

Казак тарап аталган документте буга чейин “блокада” маселеси көтөрүлбөгөнүн белгилеген.

“Каргашалуу апрель окуясынан кийин Казакстан дароо жардамга кол сунуп, гуманитардык жардам жөнөтүп, жазгы талаа иштери үзгүлтүккө учурабашы үчүн үрөн менен камсыз кылган. Мындан тышкары, Кыргызстандагы саясий жана коомдук абалды турукташтырууга өлкөнүн салымы чоң”, — деп айтылат маалыматта.

Муну менен бирге боордош эки элдин достук мамилесин колдоп, Казакстан менен Кыргызстандын ортосундагы мамиле тууралуу келишимди карманары белгиленет.

Жаңылыктар түрмөгү
0