Бүгүнкү күндө Бишкек жылуулук электр борборунун кампасында 310 миң тонна көмүр бар. Бул тууралуу Байыш Алманбет уулу Sputnik Кыргызстан радиосунун эфиринде маек куруп жатып билдирди.
Анын айтымында, Бишкек ЖЭБи кышка даяр.
"Биз кыш мезгилине жаздан баштап эле даярданып келебиз. Былтыр кыш бүткөндөн кийин от казандарды чыгарып, ремонттон өткөрүп баштаганбыз. Түтүк агрегаттары да графиктин негизинде көзөмөлдөнүп турат. Азыркы кезде Бишкек ЖЭБинин кампасында 310 миң тонна көмүр бар. Кышка даярдыктар жалпысынан жакшы деп айта алабыз. Бирок техникага кепилдик жок. Күтүлбөгөн жагдайлар да болуп кетиши мүмкүн. Учурда алдыда маселе жаралбашы үчүн колдон келген аракеттердин баары көрүлүүдө. Кызматкерлер шаар тургундарынын жылуулугу үчүн күнү-түнү иштеп жатат", — деди Алманбет уулу.
Ал пайда болгон мүчүлүштүктөрдү кызматкерлер дароо оңдоого аракет кылып келишерин кошумчалады.