БИШКЕК, 23-окт. — Sputnik. Монголиянын премьер-министри Лувсаннамсрайн Оюун-Эрдэнэ Кыргызстанга иш сапары менен келди. Бул тууралуу министрлер кабинетинин маалымат кызматы билдирди.
Монголия өкмөт башчысын "Манас" эл аралык аэропортунан министрлер кабинетинин төрагасынын орун басары Эдил Байсалов тосуп алган.
"Монголия өкмөт башчысынын иш сапарынын алкагында бир катар эки тараптуу жолугушуулар болот. Ошондой эле ал 26-октябрда Бишкек шаарында боло турган Шанхай кызматташтык уюмуна мүчө мамлекеттердин өкмөт башчыларынын кеңешинин жыйынына катышат", — деп айтылат маалыматта.