Sputnik бул боюнча даярдалган видеону сунуштайт.
Эл артисттиги "советтик театрдын, музыканын, кинонун, цирктин, телекөрсөтүүнүн, радиоберүүнүн өнүгүшүнө өзгөчө салымын кошуп, чыгармачыл кийинки муунду тарбиялаган искусствонун мыкты ишмерлерине" берилген.
Алгачкы 13 лауреаттын арасында Константин Станиславский жана Владимир Немирович-Данченко болгон.
СССРдин эл артисттигине бардык союздук республикалардан 1006 чыгармачыл адам татыган. Легендага айланган азербайжандык эстрада жана опера ырчысы Муслим Могамаев аталган наамга 31 жашында татыган. Ал эми казакстандык опера ырчысы Куляш Байсейитова 24 жашында СССРдин эл артисти болгон.
Кыргызстандан алгачкылардан болуп композитор, кыргыз профессионал музыкасына негиз салуучулардын бири Абдылас Малдыбаев алган. Наам кыргызстандык режиссёр, кыргыз кино өнөрүнүн гений режиссёрлорунун бири, "Кыргыз кереметинин" авторлорунун катарында турган Болот Шамшиевге да ыйгарылган. Мындан сырткары да бир топ искусство чеберлери алган.
Союзда акыркылардан болуп СССРдин эл артисттик наамына россиялык актёр, кинорежиссёр Олег Янковский татыган.