Далайдын дартына даба тапкан Сабырбек Жумабеков. Хирургдун жашоосунан сүрөт баян

Сабырбек Жумабеков Таластын Айтматов районунун Сатыке айылында жарык дүйнөгө келген. Балалыгы элет жеринде өтүп, таенесинин колунда өскөн. Өспүрүм кезинде атасынын буту көпкө чейин ооругандыктан дарыгер болууну кыялданган. Мектепти аяктап, борбордо Медициналык институтта окуп, Украинанын Симферополь шаарындагы мединститутта тажрыйба топтойт. Болочоктогу атактуу хирург 26 жашында илимдин кандидаттыгын, 30 жашында илимдин докторлугун Москвадан жактаган. Мекенге кайтып келгенден кийин травматолог-ортопед бир катар медициналык мекемелерде эмгектенип, орто жолдо АКШдагы Калифорния университетинде да тажрыйба топтойт. Профессор 500гө жакын илимий иш жазып, ондогон илимдин кандидатын, докторун өстүргөн. 40 миңден ашык адамга операция жасап, миллиондон ашык бейтапка консультация берген. Ошондой эле бир бейтаптын бутунун сөөгүн 31 сантиметрге өстүрүп Гиннесс китебине кирген.

1 / 17

Жумабеков 26 жашында илимдин кандидаты, 30 жашында илимдин доктору болгон

2 / 17

Хирург күн сайын Бишкек шаардык клиникалык тез жардам ооруканасында кеминде 5-6 адамга операция жасайт

3 / 17

Жумабеков узак убакыт Кыргыз мамлекеттик медициналык академиясынын Травматология жана ортопедия кафедрасын жетектейт. Сүрөттө ал чет элдик шакирттери менен

4 / 17

Чет элдик кесиптештери менен жолуккан академик. Жумабеков КМШдагы эң күчтүү травматолог-ортопеддердин бири

5 / 17

Жумабеков кесиптеши Канат Мамакеев менен иш маалында

6 / 17

Белгилүү травматолог-ортопед Сабырбек Жумабеков карьерасында 40 миңден ашык операция жасап, азыр да бейтаптардын кызматында

7 / 17

Травматолог жана ортопеддердин Түркиядагы дүйнөлүк конгрессинде Жумабеков чет элдик кесиптештери менен

8 / 17

Окумуштуунун 100гө жакын ойлоп табуусу Кыргызстан жана чет өлкөдөгү медициналык мекемелерде кеңири колдонулуп келет

9 / 17

Жумабеков 2008-жылы Жогорку Кеңешке депутат болуп шайланган, бирок тез эле мандатын тапшырып берген. Ал эми 2010-жылы саламаттык сактоо министри болуп бир жылдай иштеген

10 / 17

Кыргыз Республикасынын эмгек сиңирген врачы II даражадагы Манас орденине татыган

11 / 17

Академик күн сайын операция жасап, адам өмүрүн сактап калууга бардык күчүн арнап келет

12 / 17

Тажрыйбалуу хирург чет өлкөгө кесиптештеринин чакыруусу менен барып операция жасап турат. Сүрөттө ал Алматыдагы ооруканалардын биринде

13 / 17

Ортопед борбор калаадагы Травматология жана ортопедия илим-изилдөө институтун жетектеген

14 / 17

59 жаштагы КРдин эмгек сиңирген дарыгери спорт менен машыгып турат

15 / 17

Сабырбек Жумабеков азыр Кыргызстандагы эң күчтүү ортопеддердин бири

16 / 17

Эл аралык деңгээлдеги илимпоз Кыргызстандын атынан ири иш-чараларга катышып турат. Сүрөттө Жумабеков Москвада өткөн "Ортопедиянын жазгы күндөрү" аталышындагы ири конгрессте

17 / 17

Медицина илимдеринин доктору бейтаптын боюн операция жолу менен 31 сантиметрге өстүрүп дүйнөлүк Гиннесс китебине кирген

Тема боюнча:

Чыгармалары менен дүйнө кезген Султан Раев 65 жашта. Сүрөт баян

Элине ак дилинен кызмат кылган. Иманкалыкованын сүрөттө калган ирмемдери

70 жылдай өмүрүн музыкага арнаган. Дирижер Жумакматовдун сүрөттөгү ирмемдери

Согуш маалында көчүрүлгөн элди жайгаштырган Казы Дыйканбаев. Сүрөт түрмөк

Даректүү тасмаларды мыкты тарткан. Режиссёр Лиля Турусбекованын сүрөттөрү