Согуш маалында көчүрүлгөн элди жайгаштырган Казы Дыйканбаев. Сүрөт түрмөк
Согуш маалында көчүрүлгөн элди жайгаштырган Казы Дыйканбаев. Сүрөт түрмөк
Sputnik Кыргызстан
Быйыл белгилүү мамлекеттик ишмер Казы Дыйканбаевдин 110 жылдыгы белгиленүүдө. Буга байланыштуу Sputnik Кыргызстан агенттиги анын сүрөттө калган ирмемдерин... 05.05.2023, Sputnik Кыргызстан
Казы Дыйканбаев 1913-жылы Ысык-Көл облусунун Түп районундагы Талды-Суу айылында дыйкандын үй-бүлөсүндө жарык дүйнөгө келген. Үч жашка чыкканда ата-энеси башка жердештери сыяктуу Кытайга качып, беш жашында жакындары менен мекенге кайтып келе жаткан жолдо атасы Дыйканбай Кочкорбаев оорудан кайтыш болот.Жыйырманчы жылдардын башында айылда мектеп ачылып, он жаштагы Казы ал жактан сабак алат. Кийин Караколдогу кыргыз-орус мектебинде, Фрунзедеги атайын курста билим алып, Ашхабад шаарындагы Орто Азия зооветеринардык институтунун студенти болгон. Ал жактан коммунисттик отрядга кошулуп, атчан чалгындоочулардын катарында болгон. 1932-жылы Ташкенттеги Орто Азия план-экономикалык институтунда окуп, ал жактан өзүнүн жөндөмүн көргөзө алган студент Кыргыз ССРинин Пландоо комиссиясына жумушка чакыртылып, жаш жигит эл чарбасын өнүктүрүүнүн планын түзүүгө жигердүү катышкан. Кийин ошол эле мекемеде экономист болуп эмгектенип, мамлекеттик кызматтын бардык тепкичтерин басып өтүп, 27 жашында Эл комиссарлар кеңешинин төрагасынын орун басары болуп дайындалган. Улуу Ата Мекендик согуш жылдары ага республикага көчүрүлүп келген ишкана, завод, адамдарды жайгаштыруу милдети жүктөлгөн.Ал эми 1944-жылы СССРдин Тышкы иштер министрлигинде стажировкадан өтүп, Кыргыз ССРинин биринчи тышкы иштер министри болуп дайындалган. Ал жылы ага биринчилерден болуп СССРдин атайын жана ыйгарым укуктуу элчиси дипломатиялык рангы ыйгарылып, министр болуп тогуз жыл эмгектенген. Ошол эле маалда өкмөт башчысынын орун басары кызматын аркалаган.Кийинки жылдары Фрунзе обкомунун биринчи катчысы, Кыргызстан компартиясынын өнөр жай, транспорт, курулуш боюнча катчысы, Кыргыз ССРинин Жогорку Советинин, Министрлер кеңешинин төрагасы болгон. Көрүнүктүү мамлекеттик ишмер 2010-жылы 16-февралда 97 жашында каза болгон.Тема боюнча:— 90 жашка чыкмак. Мамлекеттик ишмер Абсамат Масалиевдин сүрөттөрү— Манаска байланган өмүр. Жусуп Мамайдын жашоосунун урунттуу учурлары
Быйыл белгилүү мамлекеттик ишмер Казы Дыйканбаевдин 110 жылдыгы белгиленүүдө. Буга байланыштуу Sputnik Кыргызстан агенттиги анын сүрөттө калган ирмемдерин сунуштайт.
Казы Дыйканбаев 1913-жылы Ысык-Көл облусунун Түп районундагы Талды-Суу айылында дыйкандын үй-бүлөсүндө жарык дүйнөгө келген. Үч жашка чыкканда ата-энеси башка жердештери сыяктуу Кытайга качып, беш жашында жакындары менен мекенге кайтып келе жаткан жолдо атасы Дыйканбай Кочкорбаев оорудан кайтыш болот.
Жыйырманчы жылдардын башында айылда мектеп ачылып, он жаштагы Казы ал жактан сабак алат. Кийин Караколдогу кыргыз-орус мектебинде, Фрунзедеги атайын курста билим алып, Ашхабад шаарындагы Орто Азия зооветеринардык институтунун студенти болгон. Ал жактан коммунисттик отрядга кошулуп, атчан чалгындоочулардын катарында болгон. 1932-жылы Ташкенттеги Орто Азия план-экономикалык институтунда окуп, ал жактан өзүнүн жөндөмүн көргөзө алган студент Кыргыз ССРинин Пландоо комиссиясына жумушка чакыртылып, жаш жигит эл чарбасын өнүктүрүүнүн планын түзүүгө жигердүү катышкан. Кийин ошол эле мекемеде экономист болуп эмгектенип, мамлекеттик кызматтын бардык тепкичтерин басып өтүп, 27 жашында Эл комиссарлар кеңешинин төрагасынын орун басары болуп дайындалган. Улуу Ата Мекендик согуш жылдары ага республикага көчүрүлүп келген ишкана, завод, адамдарды жайгаштыруу милдети жүктөлгөн.
Ал эми 1944-жылы СССРдин Тышкы иштер министрлигинде стажировкадан өтүп, Кыргыз ССРинин биринчи тышкы иштер министри болуп дайындалган. Ал жылы ага биринчилерден болуп СССРдин атайын жана ыйгарым укуктуу элчиси дипломатиялык рангы ыйгарылып, министр болуп тогуз жыл эмгектенген. Ошол эле маалда өкмөт башчысынын орун басары кызматын аркалаган.
Кийинки жылдары Фрунзе обкомунун биринчи катчысы, Кыргызстан компартиясынын өнөр жай, транспорт, курулуш боюнча катчысы, Кыргыз ССРинин Жогорку Советинин, Министрлер кеңешинин төрагасы болгон. Көрүнүктүү мамлекеттик ишмер 2010-жылы 16-февралда 97 жашында каза болгон.
Кыргыз ССРинин Министрлер Советинин төрагасы Казы Дыйканбаев, Компартиянын борбордук комитетинин катчысы Исхак Раззаков, акын Насирдин Байтемиров жана драматург Токтоболот Абдумомунов. Москва шаарындагы Кыргыз адабияты менен искусствосунун экинчи декадасы. 1958-жыл.
Оңдон биринчи турган Казы Дыйканбаев. Көрүнүктүү мамлекеттик ишмер 2010-жылы 97 жашында көз жумган. Азыр анын ысымын ТИМдин алдындагы Дипломатиялык академия алып жүрөт.
![Кыргыз ССРинин өкмөт башчысы "Кара-Сай" заставасынын чек арачылары менен жолугушууда. Дыйканбаев так ортодо отурат. Ысык-Көл облусу, 1959-жыл. - Sputnik Кыргызстан](https://sputnik.kg/img/07e7/05/05/1075023461_0:0:2960:2047_600x0_80_0_1_c6492f45ac64cec375836d240be0e5cb.jpg "Кыргыз ССРинин өкмөт башчысы "Кара-Сай" заставасынын чек арачылары менен жолугушууда. Дыйканбаев так ортодо отурат. Ысык-Көл облусу, 1959-жыл.")
