БИШКЕК, 3-апр. — Sputnik. Улуттук коопсуздук мамлекеттик комитети экс-президент Алмазбек Атамбаев кармалды деген маалымат жалган экенин билдирди.
УКМКнын маалымат кызматынан кабарлашкандай, Алмазбек Атамбаевди кармоо үчүн Чүй облусуна караштуу Таш-Мойнок айылында атайын операция жасалды деген социалдык тармактардагы жаңылыктар чындыкка дал келбейт.
"Бул маалымат коомчулукту адаштыруу үчүн таратылган. Учурда Мамлекеттик комитет кабарды жайылткандарды аныктоо үчүн аракеттерди көрүп жатат", — деп айтылат маалыматта.
УКМК жалган маалымат тараткандарга кылмыш жоопкерчилиги каралганын эскертет.
