БИШКЕК, 13-дек. — Sputnik. Кытайдын Тяньцзинь шаарынын тургуну 4,3 миллион доллар өлчөмүндөгү камсыздандыруу акчасын алуу үчүн жубайын Пхукеттеги мейманканалардын бириндеги бассейнге чөктүрүп өлтүргөн. Бул тууралуу Кытайдын Юстиция министрлигинин аккаунтуна таянуу менен РИА Новости жазды.
Таиландга кайткан киши полиция бөлүмүнө барып, суракка алынган. Бир нече сааттан кийин кылмыш жасаганын моюндап, буга аялы менен жашагысы келбей калганын жүйө келтирген. Тартип сакчылары аны дроо кармап, камакка алган.
Маркумдун ата-энеси күйөө баласынын Кытайга экстрадицияланышын талап кылууда. Алардын айтымында, мындай кылмышы үчүн эркек өз мекенинде өлүм жазасына тартылат. Кытай бийлигинин экстрадициялоо талабын коюшу үчүн алар күйөө баласын алдамчылыкка күнөөлөп кайрылган.