03:40 08 Бештин айы 2019
Түз эфир
  • USD69.8490
  • EUR77.5883
  • RUB1.0962
Тоолор. Архив

Өкмөт "Кумтөрдүн" акчасына Кыргызстандын экологиясын коргой турган фонд түптөдү

© Sputnik / Табылды Кадырбеков
Кыргызстанда
Кыскача шилтеме алуу
6201

"Кумтөр Голд Компани" алгач бир жолку төлөм иретинде 50 миллион доллар бөлөт, андан сырткары жылына 2,7 млн. доллар берип турмакчы

БИШКЕК, 4-янв. — Sputnik. Өкмөт өлкөдөгү экологиялык абалды, өзгөчө "Кумтөрдүн" айланасындагы жагдайды жакшыртуу үчүн "Жаратылышты өнүктүрүү фондун" түздү. Бул туурасында өкмөттүн маалымат кызматынан кабарлашты.

"Фондунун ишмердүүлүгү айлана-чөйрөнү коргоо боюнча чараларды күчтөндүрүүгө багытталган. Кыргыз өкмөтү менен "Centerra Gold Inc." компаниясы жана "Кумтор Голд Компани" жабык акционердик коому ортосундагы айлана-чөйрөнү коргоо, инвестицияларды өнүктүрүү боюнча 2017-жылдын 11-сентябрындагы Стратегиялык келишимди ишке ашырууга багытталган", — деп айтылган маалыматта.

Стратегиялык келишимге ылайык, аталган фонду "Кумтөр Голд Компанинин" бир жолку берген 50 миллион долларына, ошондой эле 2017-жылдан тарта ар жыл сайын жана Кумтөр кенин пайдалануу соңуна чыкканга чейин төлөй турган 2,7 миллион долларга каржыланат.

Өкмөт ал акчалардын кайда жумшаларын төмөнкүчө түшүндүрүп берген.

"Кумтөр Голд Компани" тарабынан фондуга киргизилген төлөмдөр Кыргызстандын айлана-чөйрөсүн коргоону өнүктүрүүгө, жаратылыш байлыктарын сактоого, Кыргызстандагы адистердин "Кумтөр" кенине жакын жайгашкан аймактагы жана өлкөнүн жалпы аймагындагы айлана-чөйрөнү коргоо боюнча мүмкүнчүлүгүн арттырууга жумшалат. Андан сырткары, экологиялык, жаратылыштык бакубаттыкты колдоого алуу, мамлекеттин жаратылыш ресурстарын туруктуу өнүктүрүүгө көмөктөшүү максатында пайдаланылат", — деп айтылган маалыматта.

Эскерте кетсек, 2017-жылдын 11-сентябрында кыргыз өкмөтү менен "Centerra Gold Inc." компаниясы ортосунда айлана-чөйрөнү коргоо жана инвестицияларды өнүктүрүү боюнча Стратегиялык келишимге кол коюлган.

Стратегиялык келишим "Кумтөр" долбоорун ишке ашырууда экологиялык абалды жакшыртуу үчүн шарттарды түзөт. Документке ылайык, "Centerra Gold Inc." компаниясы жаратылышты коргоо, биринчи кезекте Ысык-Көл акваториясынын жаратылышын коргоо иш-чараларын каржылоону кеңейтүүгө багытталган жаңы милдеттенмелерди алат.

Тема боюнча

Геологдор "Кумтөргө" 16 миң гектар жер берүүнү сунушташты
Премьер-министр Жууку капчыгайындагы карагайдын кыйылышын иликтөөнү тапшырды
Белгилер:
келишим, өкмөт, экология, Кумтөр

ЭҢ МААНИЛҮҮ