12:10 18 Кулжа 2019
Түз эфир
  • USD69.8305
  • EUR78.3044
  • RUB1.0857
Акча. Архивдик сүрөт

Мамлекеттен сизге кандай жөлөк пул тиешелүү экенин билесизби? Тизме

© Sputnik / Табылды Кадырбеков
Кыргызстанда
Кыскача шилтеме алуу
Светлана Федотова
377310

Төрөт үчүн сизге канча төлөнөт, жумушсуздук жөлөк пулунун көлөмү кандай? Бул суроолорго Sputnik Кыргызстан агенттиги жооп алды.

Алмазбек Атамбаев "Кыргыз Республикасынын мамлекеттик жөлөк пулдары жөнүндө" мыйзамына кол койду. Аталган мыйзам 2018-жылдын биринчи январынан тарта күчүнө кирет. Ал өлкөнүн казынасынан каржыланат, мыйзам долбоорунун демилгечилери бул төлөмдөрдүн болжолдуу суммасын бекитишкен.

  • "Балага сүйүнчү" – ар бир ымыркай төрөлгөндө бир ирет берилчү жөлөк пул — 4 миң сом;
  • "Балага жөлөк" — үч жашка чейинки ар бир баланы багууга каралган ар айлык жөлөк пул – 700 сом;
  • "Үй-бүлөгө көмөк" — 3төн 16 жашка чейинки үч жана андан ашык балалуу жарандарга (үй-бүлөлөргө) ай сайын берилчү жөлөк пул – 300 сом.

Ошондой эле мыйзамга ылайык көпчүлүккө тиешелүү мамлекеттик төлөмдөрдүн тизмеси бар.

Көз жаргандыгы үчүн жөлөк

Эгер балалуу болууну пландаштырсаңыз, мыйзам боюнча кош бойлуулук жана төрөт боюнча бир жолку жөлөк пул берилерин билиңиз. Акча мамлекеттик бюджеттен жана сиз иштеген ишкананын каражатынан төлөнөт. Ал кантип эсептелет?

  • алгачкы 10 жумушчу күн ичинде айлык маянанын жүз пайыз өлчөмүндө;
  • 11-күндөн тарта бир айдагы 10 эсеп көрсөткүч көлөмүндө (азыр бул айына 10х100=1000 сом).

Орточо бул 7 миң сомдун тегерегинде чыгат. Азыраак, бирок жоктон көрө жогору эмеспи. Кош бойлуулук жана төрөт боюнча жөлөк пул толук ошол мезгил үчүн жумуш берүүчү тарабынан төлөнөт. Он биринчи күндөн тарта төлөнгөн жөлөк пулдун суммасынын орду жумуш берүүчүгө социалдык коргоо органдарына отчет берилгенден кийин мамлекеттик бюджеттен толтурулат.

Кош бойлуулук жана төрөт боюнча жөлөк пул төлөөгө убактылуу эмгекке жарамсыздык баракчасы (ооруканадан берилчү кагаз) негиз болуп саналат. Ал медициналык мекемеден көз жарганга чейинки 70 календарлык күн мурун берилет.

Балдарды багууга жөлөк

Аз камсыз болгон үй-бүлөлөр мамлекет тарабынан ай сайын каржылык камкордук алууга укуктуу. Аз өлчөмдө, болгону 810 сом. Ага жетүү үчүн бул суммадан азыраак гана, тагыраак 90 сомго айырма болушу зарыл. Эгер сиздин айлык кирешеңиз 900 сомдон ашса, анда жөлөк пул берилбейт.

Төлөмдөрдү алыш үчүн бул кагаздар талап кылынат:

  • өздүгүн тастыктаган документ;
  • анкета-арыз;
  • иши башына эң көп 900 сомдон айланган үй-бүлөнүн жалпы кирешеси тууралуу маалымат;
  • үй-бүлөнүн курамы тууралуу тастыктама.

Жумушсуздук үчүн жөлөк

Ай сайын 250 сомдон төлөнөт. Бул каражатты жашоого жеткирүү кыйын, бирок бул колдоо, социалдык фонддон түшүндүрүшкөндөй, оокаттуу тиричиликтин негизи эмес. Анан да, бул каражат кезегинде соцфонд төлөмдөрүн төгүп келгендер үчүн гана каралган.

Аз өлчөмдө болсо да бул акчаны алуу үчүн социалдык фондго төккөн төлөмдөр боюнча тастыктама жана жумушсуз катары катталгандыгын күбөлөндүргөн кагаз тапшырылат.

Өндүрүш жаракаты үчүн жөлөк

Иш маалында жабыркагандыгы үчүн ай сайын берилчү төлөмдүн өлчөмү 1000ден 2 миң сомго чейинки каражатты түзөт. Мындай үстөк үчүн майыптыгын тастыктоочу кагаз көрсөтүлүүгө тийиш.

Иштебеген пенсионерлерге жөлөк

Соцфондго эч качан каражат төлөбөгөн кыргызстандыктар карылык жөлөк пулун алышат.

Бул төлөм керектөөнүн кепилденген эң аз деңгээлинин жана киши башына карата үй-бүлөнүн жалпы кирешесинин ортосундагы айырма өлчөмүндө белгиленет.

Расымдык жөлөк

Сөөк коюуга берилчү бул төлөмдү бардык жарандар алат. Анын өлчөмү – миңден 7 000 сомго чейин.

Талап кылынчу документтер:

  • сөөк коюп жаткан адамдын өздүгүн тастыктоочу документтин же бул милдетти моюнга алган юридикалык жактын мамлекеттик каттоодон өткөндүгү тууралуу күбөлүгүнүн, болбосо, жеке ишкердин (жеке тараптар үчүн) патентинин көчүрмөсү;
  • ЗАГС органдарынан берилген камсыздандыруучу тастыктама;
  • каза болгондугу тууралуу күбөлүктүн көчүрмөсү;
  • төлөм которулчу банк эсебинин маалыматтары.

Төлөмдөр боюнча маалымат Эмгек жана социалдык өнүгүү министрлигинен алынды.

Тема боюнча

Нарында балдарга үч жашка чейинки тарбия берүү боюнча форум өтөт
Мамытова: үч жашка чейинки балдарга жөлөк пул берүүнү ишке ашырса болот
Сүйүнчү! Депутаттар жаңы төрөлгөн балдарга сүйүнчү пул берүү мыйзамын колдоду
Чүмбөттөлгөн бет, туурулган кол. Шаардагы таштанды жайда иштеген балдар
Белгилер:
сүйүнчү, жардам, жөлөк пул, Социалдык фонд

ЭҢ МААНИЛҮҮ