Кыргызстанда чөбү азайган жайыттар калыбына келтирилет. Жаңы программа
© Sputnik / Игорь Егоров
/ Жазылуу
БИШКЕК, 1-ноя. — Sputnik. Кыргызстанда жайыттарды калыбына келтирүү жана малды тоют менен камсыздоону жакшыртуу боюнча программа даярдалды. Ал президент Садыр Жапаровдун тапшырмасы менен иштелип чыкканын Айыл чарба министрлигинен билдиришти.
Маалыматка ылайык, өлкөдө 10 миллион гектарга жакын жайыт бар. Анын ичинен жакынкы жайыттардын 184 миң гектары деградацияга учураган. 2023-2025-жылдары 34 миң гектардан ашык аянтка чөп айдалган. Быйыл бул иштерди улантуу үчүн 186 тонна үрөн сатып алынган.
Жаңы программада жайыттарга чөп айдоо, отоо чөптү жок кылуу жана жерди кезектешип пайдалануу каралган. Ошондой эле малды бир эле жайытка топтобой, алыскы жайыттарга бөлүштүрүү пландалууда.
Мындан тышкары, алыскы жайыттарга баруучу 7 миң чакырымдан ашык жолду жана 553 көпүрөнү оңдоо, мал сугаруучу 406 жай уюштуруу зарылдыгы аныкталган. Ошондой эле сүт чогултуу үчүн 170 атайын танкер орнотуу мерчемделүүдө.
Программанын негизги максаты — жайыттардын чөбүн көбөйтүү, жердин мындан ары начарлашына жол бербөө жана мал чарбачылыгын өнүктүрүү. Бул иштер 2030-жылга чейин 1000 күндүк реформанын алкагында жүргүзүлөт.
Маалыматка ылайык, өлкөдө 10 миллион гектарга жакын жайыт бар. Анын ичинен жакынкы жайыттардын 184 миң гектары деградацияга учураган. 2023-2025-жылдары 34 миң гектардан ашык аянтка чөп айдалган. Быйыл бул иштерди улантуу үчүн 186 тонна үрөн сатып алынган.
Жаңы программада жайыттарга чөп айдоо, отоо чөптү жок кылуу жана жерди кезектешип пайдалануу каралган. Ошондой эле малды бир эле жайытка топтобой, алыскы жайыттарга бөлүштүрүү пландалууда.
Мындан тышкары, алыскы жайыттарга баруучу 7 миң чакырымдан ашык жолду жана 553 көпүрөнү оңдоо, мал сугаруучу 406 жай уюштуруу зарылдыгы аныкталган. Ошондой эле сүт чогултуу үчүн 170 атайын танкер орнотуу мерчемделүүдө.
Программанын негизги максаты — жайыттардын чөбүн көбөйтүү, жердин мындан ары начарлашына жол бербөө жана мал чарбачылыгын өнүктүрүү. Бул иштер 2030-жылга чейин 1000 күндүк реформанын алкагында жүргүзүлөт.
