Көк бөрү менен көкпардын финалдык беттештерин кайдан көрсө болот? Даректер
13:34 05.09.2026 (Жаңыртылды: 14:24 05.09.2026)
© Sputnik / Владислав Ногай
Жазылуу
БИШКЕК, 5-сен. — Sputnik. VI Дүйнөлүк көчмөндөр оюндарынын жабылышын жана көк бөрү менен көкпардын финалдык оюндарын түз алып көрсөтүү үчүн Кыргызстан боюнча фан-зоналар уюштурулду. Бул тууралуу ДКOнун медиаштабынан кабарлашты.
Маалыматка ылайык, жарандар жана күйөрмандар оюндарды чоң экрандардан түз эфирде көрө алышы үчүн төмөнкү даректерде фан-зоналар даярдалды:
Бишкек шаары — Турдакун Усубалиев атындагы аянт (Эски аянт);
Ош шаары — Алымбек датка көчөсү, 221 дарегиндеги борбордук аянт;
Жалал-Абад облусу — Манас шаары, “Азаттык” аянты;
Талас облусу — Талас шаарынын борбордук ат майданы;
Чүй облусу — Токмок шаары, Ленин көчөсүндөгү Султан Ибраимов атындагы борбордук аянт;
Ысык-Көл облусу — Бает айылындагы көл жээги (“Чайка резорт” жана “Алтын булак” эс алуу жайларынын ортосу) жана Бостери айылындагы “Дордой Номад” амфитеатры;
Ош облусу — Араван райондук администрациясынын имараты жана Араван айылынын Ленин көчөсү, 1;
Баткен облусу — Баткен шаарындагы А. Жайнаков атындагы драма театры, Самаркандек айыл аймагынын Суу-Башы жана Бужум айылдарынын борбордук көчөлөрү, Кадамжай районунун Ж. Мамажанов атындагы маданият үйү, Лейлек райондук маданият үйү, Кызыл-Кыя шаардык мэриясы, Сүлүктү шаардык маданият үйү;
Нарын облусу — Ак-Талаа районунун Баетов айылындагы К. Султангазиев атындагы маданият үйү, Жумгал районунун Чаек айылындагы “Соң-Көл” кинотеатры, Кочкор районунун Кочкор айылындагы Ж. Абдыкалыков атындагы маданият үйү, Нарын шаарындагы М. Рыскулов атындагы Нарын облустук драма театры, Ат-Башы районунун Ат-Башы айылындагы С. Андабеков атындагы маданий-спорттук комплекс.
