Азияга умтулган НАТО, РФтин биримдикке кадамы. Лавровдун Владивостоктогу сөздөрүнөн
© Sputnik / Владимир Астапкович
/ Жазылуу
БИШКЕК, 3-сен. — Sputnik. Россия Евразия континентинде ШКУ, ЕАЭБ жана АСЕАН сыяктуу аянтчалар аркылуу тең укуктуулук, калыс диалог принциптеринин негизинде көп тараптуу кызматташтыкты түзүүдө. Бул туурасында РФ ТИМинин башчысы Сергей Лавров Чыгыш экономикалык форумунда айтты.
"Биз Евразия континентинде Батышка ыктагандардан айырмаланып, башка принциптерге, тагыраагы, тең укуктуулукка, ачык сүйлөшүүлөргө негизделген аянтчалар аркылуу көп тараптуу кызматташтыкты куруп жатабыз. Алар: Шанхай кызматташтык уюму, Евразия экономикалык биримдиги жана АСЕАН", — деди министр.
Лавровдун аталган иш-чарадагы негизги билдирүүлөрү:
Батыш Евразияны бөлүп-жарууга аракет кылып, өз саясатын мурдагыдан да катаал жүргүзүүдө;
Мамлекеттик Думага шайлоонун алдында Россия коомундагы кырдаалды туруксуздаштыруу үчүн сырттан аракеттер көрүлүүдө;
Украина боюнча, реалдуулук — Россиянын Куралдуу күчтөрү турган аймактар эле эмес, негизги маселе 2022-жылдагы референдумдагы элдин тандоосу;
НАТО өзүнүн бар экенин актоого шылтоо издеп жатат. Түндүк Атлантика альянсы Азияда өз инфраструктурасын бекемдөөнү көздөөдө;
айрым Европа өлкөлөрүндө украиналыктарга берилген жөлөк пулдар өз жарандарына төлөнүүчү жумушсуздук боюнча жөлөк пулдардан кыйла ашып түшүп, жергиликтүү калк нааразы болууда;
эгерде Россиянын президенти Владимир Путиндин евразиялык коопсуздук боюнча демилгеси ишке ашса, жөнөкөй адамдар Батыштын жаалданган позициясынан корголот;
Батыштын Украинага аскер киргизүүгө умтулуусу нацисттик режимди түбөлүккө калтыруу каалоосун көрсөтүп турат.
