Лавров: санкцияны токтотууну Европадан жүгүнүп суранбайбыз
09:53 03.09.2026 (Жаңыртылды: 09:54 03.09.2026)
© Sputnik / Александр Вильф
/ Жазылуу
БИШКЕК, 3-сен. — Sputnik. Европа биздин өз ара кызматташуубуз мурдагы жылдары өтө маанилүү болгондуктан санкцияларды токтотууну жүгүнүп суранат деп алган, бирок андай болбойт. Бул туурасында РФ ТИМинин башчысы Сергей Лавров Чыгыш экономикалык форумунда билдирди.
Ал россиялыктардын да намысы бар экендигине токтолгон.
"Европа мурунку жылдардагы кызматташуубуз Россия Федерациясы үчүн ушунчалык маанилүү болгондуктан биз артынан чуркап, "мейли эми, бизди кечиргиле, болгон ишти унуталы, кайрадан кызматташалы, санкцияларды алып салгыла" деп жалынып-жалбарабыз деп ойлоп алды. Бирок андай болбойт, мындай нерсе биздин элдин табиятына такыр жат. Биздин да өз намысыбыз бар", — деген Лавров.
Чыгыш экономикалык форуму бул күндөрү Владивосток шаарында өтүп жатат.
