https://sputnik.kg/20260722/akiykatchy-psikhiatriyalyk-oorukanany-teksherdi-1102548298.html
Психиатриялык ооруканада дарыланып бүткөн 57 бейтап кармалып жатканы айтылды
Психиатриялык ооруканада дарыланып бүткөн 57 бейтап кармалып жатканы айтылды
Sputnik Кыргызстан
Акыйкатчы Жамиля Жаманбаева мамлекеттик органдарды бейтаптардын татыктуу шартта медициналык жардам алуу укугун камсыздап, психиатриялык жардам көрсөтүү... 22.07.2026, Sputnik Кыргызстан
2026-07-22T16:12+0600
2026-07-22T16:12+0600
2026-07-22T16:52+0600
кыргызстан
жалал-абад
акыйкатчы
психиатриялык оорукана
мониторинг
https://sputnik.kg/img/07e6/01/03/1060937796_0:0:3067:1725_1920x0_80_0_0_3ee574f61ed707824957956dae967822.jpg
БИШКЕК, 22-июл. — Sputnik. Жалал-Абаддын Аксы районундагы Кызыл-Жар айылында жайгашкан республикалык психиатриялык ооруканада дарылануу мөөнөтү аяктаганына карабастан 57 бейтап кармалып жатат. Бул тууралуу Акыйкатчы институту билдирди. Маалыматка ылайык, ал бейтаптардын 39у үч айдан ашык, ал эми 18и беш жылдан ашык убакыттан бери чыгарылбай келет. Акыйкатчы институтунун кызматкерлери аталган оорукананы текшерип, бир катар системалуу көйгөйлөрдү аныкташкан. Оорукананын администрациясы муну Ош жана Жалал-Абад облустарында дарылоодон кийин жайгаштыруучу чоңдор үчүн психоневрологиялык интернаттын жоктугу менен түшүндүргөн. Айрым бейтаптардын бара турган жери жок болсо, кээ бирлеринен туугандары баш тарткан. Акыйкатчы институту бул жагдай дарылануусун аяктаган, бирок социалдык камкордукка муктаж адамдар орун ээлеп, ооруканага чындап муктаж бейтаптардын жаткырылышына тоскоол болуп жатканын белгиледи. Саламаттык сактоо министрлигинин маалыматына ылайык, учурда өлкөдөгү төрт психиатриялык ооруканада 50гө жакын, ал эми республика боюнча жалпы 298 бейтап башка мекемеге которууну күтүп жатат. Акыйкатчынын маалыматына ылайык, ооруканада кадр тартыштыгы да олуттуу көйгөй. Тогуз психиатрдын ордуна төрт дарыгер гана иштейт, анын экөө — пенсионер. Мындан тышкары, стоматолог, невропатолог, терапевт жана лаборанттар жетишпейт. Ошондой эле Кызыл-Жардагы медицина кызматкерлери 2020-жылдан бери Стамбул протоколу боюнча окутулбаганы белгиленип, бул кыйноо же ырайымсыз мамиле фактыларын аныктоого терс таасирин тийгизиши мүмкүн экени айтылды. Мониторингдин жыйынтыгында акыйкатчы министрлер кабинетине аныкталган мыйзам бузууларды жана системалуу көйгөйлөрдү жоюу боюнча сунуштарды жөнөттү. Алардын ичинде соттолгон адамдар үчүн атайын психиатриялык мекеме куруу жана медициналык кызматкерлерди Стамбул протоколу боюнча жыл сайын окутууну уюштуруу сунушталган.
https://sputnik.kg/20260702/akiykatchy-marketterden-kozhoyundaryna-kayryldy-1102196348.html
жалал-абад
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, жалал-абад, акыйкатчы, психиатриялык оорукана, мониторинг
кыргызстан, жалал-абад, акыйкатчы, психиатриялык оорукана, мониторинг
Психиатриялык ооруканада дарыланып бүткөн 57 бейтап кармалып жатканы айтылды
16:12 22.07.2026 (Жаңыртылды: 16:52 22.07.2026) Акыйкатчы Жамиля Жаманбаева мамлекеттик органдарды бейтаптардын татыктуу шартта медициналык жардам алуу укугун камсыздап, психиатриялык жардам көрсөтүү системасын жакшыртууга чакырды.
БИШКЕК, 22-июл. — Sputnik. Жалал-Абаддын Аксы районундагы Кызыл-Жар айылында жайгашкан республикалык психиатриялык ооруканада дарылануу мөөнөтү аяктаганына карабастан 57 бейтап кармалып жатат. Бул тууралуу Акыйкатчы институту билдирди.
Маалыматка ылайык, ал бейтаптардын 39у үч айдан ашык, ал эми 18и беш жылдан ашык убакыттан бери чыгарылбай келет. Акыйкатчы институтунун кызматкерлери аталган оорукананы текшерип, бир катар системалуу көйгөйлөрдү аныкташкан.
Оорукананын администрациясы муну Ош жана Жалал-Абад облустарында дарылоодон кийин жайгаштыруучу чоңдор үчүн психоневрологиялык интернаттын жоктугу менен түшүндүргөн. Айрым бейтаптардын бара турган жери жок болсо, кээ бирлеринен туугандары баш тарткан.
Акыйкатчы институту бул жагдай дарылануусун аяктаган, бирок социалдык камкордукка муктаж адамдар орун ээлеп, ооруканага чындап муктаж бейтаптардын жаткырылышына тоскоол болуп жатканын белгиледи. Саламаттык сактоо министрлигинин маалыматына ылайык, учурда өлкөдөгү төрт психиатриялык ооруканада 50гө жакын, ал эми республика боюнча жалпы 298 бейтап башка мекемеге которууну күтүп жатат.
"Мониторингдин жүрүшүндө коопсуздук маселелери да аныкталган. Мажбурлап дарыланган соттолгондор байкоо режимдери сакталбай жайгаштырылганы, оор кылмыш жасагандар жеңилирээк кылмыш үчүн соттолгондор менен бирге кармалганы белгиленген. Ошондой эле медициналык кызматкерлердин коопсуздугун камсыз кылуу чаралары жетишсиз экени аныкталган. Дарыгерлер мажбурлап дарылоо бөлүмдөрүнө коштоосуз киришет, ал эми коридорлордо коопсуздук сигнализациясы жок", — деп айтылат маалыматта.
Акыйкатчынын маалыматына ылайык, ооруканада кадр тартыштыгы да олуттуу көйгөй. Тогуз психиатрдын ордуна төрт дарыгер гана иштейт, анын экөө — пенсионер. Мындан тышкары, стоматолог, невропатолог, терапевт жана лаборанттар жетишпейт.
Ошондой эле Кызыл-Жардагы медицина кызматкерлери 2020-жылдан бери Стамбул протоколу боюнча окутулбаганы белгиленип, бул кыйноо же ырайымсыз мамиле фактыларын аныктоого терс таасирин тийгизиши мүмкүн экени айтылды.
Мониторингдин жыйынтыгында акыйкатчы министрлер кабинетине аныкталган мыйзам бузууларды жана системалуу көйгөйлөрдү жоюу боюнча сунуштарды жөнөттү. Алардын ичинде соттолгон адамдар үчүн атайын психиатриялык мекеме куруу жана медициналык кызматкерлерди Стамбул протоколу боюнча жыл сайын окутууну уюштуруу сунушталган.
