Балдарды бакытка бөлөгөн "Союзмультфильм" 90 жыл мурун ишин баштаган. Видео
© Sputnik / И. Бреннер
/ Жазылуу
БИШКЕК, 10-июн. — Sputnik. Кылымга жакын иштеген "Союзмультфильм" Disney студиясына альтернатива катары түзүлгөн. Биринчи эмгеги — Сергей Михалковдун кара-ак түстөгү "Африкада ысык" мульфильми 1936-жылы 10-июнда кичинекей көрүүчүлөргө тартууланган. Легендага айланган "Союзмультфильм" тууралуу кызык жагдайларды Sputnik Ближнее зарубежье эске салды.
Кызык фактылар:
Улуу Ата Мекендик согуш жылдарында жамааттын бир бөлүгү Самаркандга эвакуацияланса, дагы бир тобу фронтко кеткен. 1943-жылы авторлор Москвага кайтат. Согуш учурунда фашизмге каршы плакаттар менен сатиралык эмгектерден тышкары классикага айланган "Телефон", "Елка", "Сказка о царе Салтане" сыяктуу мультфильмдер дал ушул жерде жарык көргөн.
1975-жылы чыккан "Конек-Горбуноктун" режиссеру Иван Иванов-Вано биринчи болуп 70 мүнөткө созулган советтик анимациялык лента жараткан. Өзү студия түптөлгөндөн өмүрүнүн аягына чейин — 51 жыл "Союзмультфильмде" иштеген.
Чебурашка — "Союзмультфильмдин" эң кичинекей каарманы, куурчактын бою жети сантиметрге жеткен эмес.
Винни Пухту сүйлөткөн Евгений Леонов талап кылынгандан жайыраак сүйлөчү экен. Пленканы 30 пайызга ылдамдаткандан кийин азыр биз билген мамалактын үнү пайда болгон. Режиссер Федор Хитрук образдарды кайталап калбаш үчүн Disney чыгарган мультикти атайын көрбөптүр.
Финляндия 1983-жылы "Ну, погоди" мультфильминдеги Коенду "зыянкеч" деп таап, анимацияга тыюу салган.
