https://sputnik.kg/20260320/-zhaparov-orozo-kuttuktoo-1100328572.html
Күчүбүз — биримдикте! Жапаров элди куттуктап, айт намазга катышты
Күчүбүз — биримдикте! Жапаров элди куттуктап, айт намазга катышты
Sputnik Кыргызстан
БИШКЕК, 20-мар. — Sputnik. Элибиз көп этностуу, көп түрдүү болсо да биздин күч — биримдикте, ынтымакта жана өз ара ишенимде. Бул тууралуу президент Садыр... 20.03.2026, Sputnik Кыргызстан
2026-03-20T10:17+0600
2026-03-20T10:17+0600
2026-03-20T10:17+0600
кыргызстан
садыр жапаров
орозо
айт
куттуктоо
тынчтык
намаз
https://sputnik.kg/img/07ea/03/14/1100325192_0:0:1280:720_1920x0_80_0_0_0e0cfd320796b1d888070991fdd47308.jpg
БИШКЕК, 20-мар. — Sputnik. Элибиз көп этностуу, көп түрдүү болсо да биздин күч — биримдикте, ынтымакта жана өз ара ишенимде. Бул тууралуу президент Садыр Жапаровдун Орозо айтка карата элге жолдогон куттуктоосунда айтылат. Өлкө башчы берекелүү Рамазан айы ар бир мусулман үчүн руханий тазалануунун, сабырдуулуктун жана кайрымдуулуктун айы экенин эске салып, адамдар бири-бирине жакшылык кылууга умтулуп, муктаждарга жардам берүү, боорукерлик жана адилеттүүлүк сыяктуу асыл баалуулуктарды жогору коюшарын белгилеген. Анын айтымында, ушундай руханий нарктар коомубуздагы өз ара урмат-сыйды, ынтымакты жана биримдикти бекемдөөгө кызмат кылат. Жапаров дүйнөдө, анын ичинде Жакынкы Чыгыш өңдүү аймактарда болуп жаткан саясий кризистер менен куралдуу жаңжалдар жалпы адамзат үчүн олуттуу сыноо болуп турганына токтолгон. "Кыргызстан ар дайым тынчтыкты, өз ара урматтоону жана дипломатиялык жолду колдоп келген мамлекет катары ушул ыйык Орозо айт майрамында дүйнө жүзүндө болуп жаткан согуштук жаңжалдар менен чыңалуулар эртерээк токтоп, бардык элдер үчүн тынчтык, коопсуздук жана туруктуулук орносун деген тилегибизди билдиребиз", — деди президент. Куттуктоосунун соңунда ал ар бир үй-бүлөгө тынчтык, береке жана бакыт каалады. Өлкө башчысы Эски аянтта өткөн айт намазга да катышты. Ага жалпы 30 миңдей киши келгени айтылууда.
https://sputnik.kg/20260319/zhaparov-koopsuzduk-keneshinin-zhyjynyn-otkordu-1100314292.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, орозо, айт, куттуктоо, тынчтык, намаз
кыргызстан, садыр жапаров, орозо, айт, куттуктоо, тынчтык, намаз
БИШКЕК, 20-мар. — Sputnik. Элибиз көп этностуу, көп түрдүү болсо да биздин күч — биримдикте, ынтымакта жана өз ара ишенимде. Бул тууралуу президент Садыр Жапаровдун Орозо айтка карата элге жолдогон куттуктоосунда айтылат.
Өлкө башчы берекелүү Рамазан айы ар бир мусулман үчүн руханий тазалануунун, сабырдуулуктун жана кайрымдуулуктун айы экенин эске салып, адамдар бири-бирине жакшылык кылууга умтулуп, муктаждарга жардам берүү, боорукерлик жана адилеттүүлүк сыяктуу асыл баалуулуктарды жогору коюшарын белгилеген. Анын айтымында, ушундай руханий нарктар коомубуздагы өз ара урмат-сыйды, ынтымакты жана биримдикти бекемдөөгө кызмат кылат.
"Элибиз кылымдардан бери ислам баалуулуктарын ата-бабаларыбыздан калган нарк-насил, салт-санаалар менен айкалыштырып, салттуу дин катары сактап келген. Ушул бекем руханий пайдубал кыргыз коомунун туруктуулугун камсыз кылып, мамлекетибиздин өнүгүүсүнө жана биримдигине өбөлгө болуп келет", — деп айтылат куттуктоодо.
Жапаров дүйнөдө, анын ичинде Жакынкы Чыгыш өңдүү аймактарда болуп жаткан саясий кризистер менен куралдуу жаңжалдар жалпы адамзат үчүн олуттуу сыноо болуп турганына токтолгон.
"Кыргызстан ар дайым тынчтыкты, өз ара урматтоону жана дипломатиялык жолду колдоп келген мамлекет катары ушул ыйык Орозо айт майрамында дүйнө жүзүндө болуп жаткан согуштук жаңжалдар менен чыңалуулар эртерээк токтоп, бардык элдер үчүн тынчтык, коопсуздук жана туруктуулук орносун деген тилегибизди билдиребиз", — деди президент.
Куттуктоосунун соңунда ал ар бир үй-бүлөгө тынчтык, береке жана бакыт каалады.
Өлкө башчысы Эски аянтта өткөн айт намазга да катышты. Ага жалпы 30 миңдей киши келгени айтылууда.
