"Россия максатына жетет". РФ ТИМинин атайын операциянын 4 жылдыгына карата билдирүүсү
© Sputnik / Станислав Красильников
/ Жазылуу
БИШКЕК, 24-фев. — Sputnik. Биз айтып келе жаткан адилеттүү жана туруктуу тынчтык согуштун түпкү себептери жоюлганда гана орнойт. Бул туурасында РФ ТИМинин расмий өкүлү Мария Захарова атайын операциянын төрт жылдыгына карата жасаган билдирүүсүндө айтты.
Ал Россия дипломатиясынын учурдагы иштери, дүйнөнүн көп өлкөлөрү менен алакасы, Россия-АКШ диалогунун алкагындагы кадамдары жогоруда айтылган милдетти аткарууга багытталганын белгиледи.
Мындан сырткары, РФ ТИМинин өкүлү төмөнкүлөргө токтолду:
атайын операцияда коюлган максаттарга жетебиз;
операция Киев бийлиги көзөмөлдөгөн аймактардан жаралып жаткан кооптуулуктарды четтетүүгө, Украинаны демилитаризациялоого, денацификациялоого багытталган;
бардык иш-аракеттер жеке жана жамааттык өзүн-өзү коргоо укугу боюнча БУУнун уставынын 51-беренесине ылайык жасалууда;
бул аргасыз кадамга чейин узак сегиз жыл өттү. Россия Донбасстагы жаңжалды саясий-дипломатиялык жол менен чечүүгө болушунча аракет кылды. Чатак 2014-жылдын февралында Батыш тарабынан сахналаштырылган, каржыланган жана уюштурулган куралдуу мамлекеттик төңкөрүштүн натыйжасы болду;
2022-жылы Донбасстагы куралдуу чатактын кесепетинен жергиликтүү элдин арасынан көз жумгандардын саны 13,5 адамдан ашты;
НАТОнун тынымсыз кеңейүүсү Европадагы коопсуздуктун терең кризисине алып келди. Россия Вашингтон менен Брюсселге үнүн жеткирүүгө аракет кылып, өжөрлүк менен түшүндүрүп келди. Россиянын коопсуздук боюнча юридикалык кепилдиктерди берүү, анын ичинде НАТОнун Чыгышка карай кеңейбеши тууралуу сунуштары көңүл сыртында калды;
2022-жылдын февралында Мюнхен конференциясында Зеленскийдин өзөктүк куралга ээ болуу тууралуу ачык дооматтары олуттуу түйшөлттү. Бул Россия үчүн жана жалпы стратегиялык туруктуулукта реалдуу коркунучтарды пайда кылды.
