Президент Камчыбек Ташиев мамлекеттик кызматка келбестигин айтты
12:11 16.02.2026 (Жаңыртылды: 12:54 16.02.2026)
Жазылуу
БИШКЕК, 16-фев. — Sputnik. Президент Садыр Жапаров УКМКнын мурдагы жетекчиси Камчыбек Ташиев кандайдыр бир мамлекеттик кызматка келбестигин "Кабар" агенттигине берген маегинде айтты.
Садыр Жапаров алар дос бойдон кала берерин, Ташиев азыр капа болсо дагы кийин рахматын айтарын белгилеген.
"Мен табиятынан эле кандайдыр бир талаштуу маселелер жаралса эч бир адам менен урушпай-талашпай эле сабырдуулук менен чечишип алганды жакшы көрөм. Дос бойдон кала беребиз. Бирок ал киши кандайдыр бир мамлекеттик кызматка келбейт. Дос эс алсын, ден соолугун карасын. Тегерегиндеги "аксакал, көксакалдардан" арылсын, тазалансын. Тергөө кызматы баарын аныктап, тазалап берет", — деген мамлекет башчы.
Садыр Жапаров кечээ кечинде Камчыбек Ташиевди кабыл алып, жолукканын айтты.
“Ооба, жолуктук. Кечээ кечинде кабыл алдым. Эс ал досум, ден соолугуңду кара, тынч жүр дедим. Досумдун айтымы боюнча, “аксакалдар” дейбизби, “көксакалдар” дейбизби, бирөө менен дагы сүйлөшкөн эмесмин дейт. Ошондон улам жыйынтык чыгардым. Демек, тигилер досума билгизбей эле өздөрүнчө жашыруун план менен иш жүргүзүп жатышкан экен”, — деген Жапаров.
Мамлекет башчы бардыгын тазалап, тартипке алып келе турганын, ага күч жетерин кошумчалаган.
“Ооба, жолуктук. Кечээ кечинде кабыл алдым. Эс ал досум, ден соолугуңду кара, тынч жүр дедим. Досумдун айтымы боюнча, “аксакалдар” дейбизби, “көксакалдар” дейбизби, бирөө менен дагы сүйлөшкөн эмесмин дейт. Ошондон улам жыйынтык чыгардым. Демек, тигилер досума билгизбей эле өздөрүнчө жашыруун план менен иш жүргүзүп жатышкан экен”, — деген Жапаров.
Мамлекет башчы бардыгын тазалап, тартипке алып келе турганын, ага күч жетерин кошумчалаган.
