https://sputnik.kg/20260117/abdrahmatov-botanikalyk-bak-syn-pikir-tushundurmo-1099196945.html
Илимдер академиясынын жетекчиси Ботаникалык бак боюнча сындарга жооп берди
Илимдер академиясынын жетекчиси Ботаникалык бак боюнча сындарга жооп берди
Sputnik Кыргызстан
БИШКЕК, 17-янв. — Sputnik. Бишкектеги Ботаникалык бактын аймагына эч кандай көп кабаттуу үйлөр же ресторандар салынбайт. Бул тууралуу Улуттук илимдер... 17.01.2026, Sputnik Кыргызстан
2026-01-17T17:36+0600
2026-01-17T17:36+0600
2026-01-18T11:14+0600
бишкек
канат абдрахматов
ботаникалык бак
курулуш
оңдоо
түшүндүрүү
https://sputnik.kg/img/07e7/03/12/1073695673_0:148:2835:1743_1920x0_80_0_0_9ed68a117cf31cc36c532645bf9ba650.jpg
БИШКЕК, 17-янв. — Sputnik. Бишкектеги Ботаникалык бактын аймагына эч кандай көп кабаттуу үйлөр же ресторандар салынбайт. Бул тууралуу Улуттук илимдер академиясынын башчысы Канатбек Абдрахматов бактын тегерегиндеги сын-пикирлерге жооп берип жатып билдирди. Ал элди камтама болбоого чакырган.Профессор негизинен элдин сын-пикири ал аймакка футбол аянтынын курулушу боюнча айтылганын белгилеп, төмөнкүдөй түшүндүргөн.Абдрахматов Ботаникалык бак илимий изилдөөлөрдү өткөрө турган гана эмес, эл келип эс алып, сейилдеп, чуркап, машыга турган жай экенин эске салып, футбол аянтчасынын курулушу максатка ылайык экенин белгилеген.Андан ары Ботаникалык бактагы бак-дарактын кыйылышын сынга алган адамдарга да жооп берген.Ал билдирүүсүндө мындан улам кардиналдуу өзгөртүүлөр боюнча чечим кабыл алуу туура болгонун кошумчалаган.Мындан тышкары, Ботаникалык бактын Горький көчөсүндө жайгашкан бөлүгүндө дагы 20 гектар аянт бар экенин, илимий изилдөөлөр ошол жакта жүргүзүлөрүн айткан.
https://sputnik.kg/20251009/botanikalyk-bak-rekonstruktsiya-340-mln-kerek-1097049253.html
бишкек
ботаникалык бак
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
бишкек, канат абдрахматов, ботаникалык бак, курулуш, оңдоо, түшүндүрүү
бишкек, канат абдрахматов, ботаникалык бак, курулуш, оңдоо, түшүндүрүү
БИШКЕК, 17-янв. — Sputnik. Бишкектеги Ботаникалык бактын аймагына эч кандай көп кабаттуу үйлөр же ресторандар салынбайт. Бул тууралуу Улуттук илимдер академиясынын башчысы Канатбек Абдрахматов бактын тегерегиндеги сын-пикирлерге жооп берип жатып билдирди. Ал элди камтама болбоого чакырган.
Профессор негизинен элдин сын-пикири ал аймакка футбол аянтынын курулушу боюнча айтылганын белгилеп, төмөнкүдөй түшүндүргөн.
"Эки футбол аянтчасы бакчанын Ахунбаев көчөсү тарабындагы бөлүгүнө курулат. Бакчанын ал бөлүгүнүн жалпы аянты 87 гектар, ал эми биз сегиз сотых жерге эки футбол талаасын салабыз. Бул футбол талаа жалпы аймактын болгону 0,18 пайызын ээлейт", — деген директор.
Абдрахматов Ботаникалык бак илимий изилдөөлөрдү өткөрө турган гана эмес, эл келип эс алып, сейилдеп, чуркап, машыга турган жай экенин эске салып, футбол аянтчасынын курулушу максатка ылайык экенин белгилеген.
Андан ары Ботаникалык бактагы бак-дарактын кыйылышын сынга алган адамдарга да жооп берген.
"Акыркы жылдары бул бакчага келген шаардыктар анын каралбай калганын көрүшкөн чыгар. Жолдору бузулуп, өсүмдүктөр сугарылган эмес, көбү куурап калган. Айрым жерлердеги чытырмандан өтүү да мүмкүн болбой калган. Бул ботаникалык бакча эмес эле, токой болуп кеткен. Анан дагы ушунчалык каралбай калганынан улам эки жыл мурун сегиз чөө атып өлтүрүлгөн. Чөөлөр шаардын ичинде болгон", — деп жазган Абдрахматов.
Ал билдирүүсүндө мындан улам кардиналдуу өзгөртүүлөр боюнча чечим кабыл алуу туура болгонун кошумчалаган.
Мындан тышкары, Ботаникалык бактын Горький көчөсүндө жайгашкан бөлүгүндө дагы 20 гектар аянт бар экенин, илимий изилдөөлөр ошол жакта жүргүзүлөрүн айткан.
"Ботаникалык бакчадагы эң курч көйгөйлөрдүн бири — бул сугаруу системасынын жоктугу болчу. Бүгүнкү күндө эки терең скважина казылды, андан тартылган суу өсүмдүктөр үчүн жетиштүү болот. Ошондой эле эл келип суу жээгинде эс алуусу үчүн чоң бассейн салынган. Буга чейин анда дагы бир бассейн болгон, ал тазаланып кайра иштетилет. Бакчанын ичинде 96 миллион сомго ирригациялык тармак курулду, ал аркылуу суу бакчанын бардык бурчуна жетет", — деп түшүндүргөн Абдрахматов.
9 Тогуздун айы 2025, 16:28
