Ботаникалык бакты оңдоого 340 млн. сом керек. Касымалиев каржы табууну тапшырды
© Фото / пресс-служба кабинета министров КР
Жазылуу
БИШКЕК, 9-окт. — Sputnik. Энвер Гареев атындагы Ботаникалык бакты толук жана комплекстүү реконструкциялоо үчүн болжол менен 340 миллион сом талап кылынат. Бул тууралуу өкмөттөн кабарлашты.
Маалыматка караганда, бүгүн министрлер кабинетинин төрагасы Адылбек Касымалиев аталган бакка барып, аймактын жана анын инфраструктурасынын учурдагы абалын көргөн.
1/3
© Фото / пресс-служба кабинета министров КР
Энвер Гареев атындагы Ботаникалык бакты толук жана комплекстүү реконструкциялоо үчүн болжол менен 340 миллион сом талап кылынат
2/3
© Фото / пресс-служба кабинета министров КР
Бул тууралуу өкмөттөн кабарлашты
3/3
© Фото / пресс-служба кабинета министров КР
Маалыматка караганда, бүгүн министрлер кабинетинин төрагасы Адылбек Касымалиев аталган бакка барып, аймактын жана анын инфраструктурасынын учурдагы абалын көргөн
1/3
© Фото / пресс-служба кабинета министров КР
Энвер Гареев атындагы Ботаникалык бакты толук жана комплекстүү реконструкциялоо үчүн болжол менен 340 миллион сом талап кылынат
2/3
© Фото / пресс-служба кабинета министров КР
Бул тууралуу өкмөттөн кабарлашты
3/3
© Фото / пресс-служба кабинета министров КР
Маалыматка караганда, бүгүн министрлер кабинетинин төрагасы Адылбек Касымалиев аталган бакка барып, аймактын жана анын инфраструктурасынын учурдагы абалын көргөн
"Бактын кызматкерлери менен жетекчилиги мурда аткарылган иштер, учурдагы көйгөйлөр, ошондой эле уникалдуу жашыл аймакты сактоо, өнүктүрүү жана модернизациялоо үчүн зарыл болгон иш-чаралар жөнүндө маалымат беришти. Жыйынтыгында Ботаникалык бакты толук жана комплекстүү реконструкциялоо үчүн болжол менен 340 миллион сом талап кылынары аныкталды", — деп айтылат маалыматта.
Бул каражатка жолдорду реставрациялоо, жөө адамдар жүргөн аймакты көрктөндүрүү, сугаруу, суу менен камсыздоо, дренаж системаларын калыбына келтирүү жана модернизациялоо, сейрек кездешүүчү жана жоголуп бара жаткан түрлөрдүн коллекцияларын толуктоо, жаңы экспозицияларды түзүү менен дендрологиялык фондду жаңыртуу жана кеңейтүү иштери аткарылат.
"Касымалиев Ботаникалык бак борбор калаанын тургундары үчүн маанилүү рекреациялык зона гана болбостон, бүткүл Кыргызстан үчүн негизги илимий-изилдөө базасы болуп саналарын белгиледи. Ал бакты сактоо жана өнүктүрүү шаардын аймагын көрктөндүрүү гана эмес, өлкөнүн илимий потенциалына жана экологиялык коопсуздугуна стратегиялык инвестиция экенин баса белгиледи", — дешти минкабдан.
Касымалиев бакты кароонун жыйынтыгы боюнча тиешелүү мамлекеттик органдарга долбоор этап-этабы менен ишке ашырыларын эске алып, реконструкциялоо иштерин каржылоо маселесин иштеп чыгууну тапшырды.
